എം.ജെ.എസ്.എസ്.എ ദേശീയ കലോത്സവത്തിൽ കിരീടം ചൂടി മൂവാറ്റുപുഴ മേഖല

പുത്തൻകുരിശ്: മലങ്കര യാക്കോബായ സുറിയാനി സൺഡേ സ്കൂൾ അസോസിയേഷന്റെ ദേശീയ കലോത്സവത്തിൽ മൂവാറ്റുപുഴ മേഖല ഓവറോൾ ചാംപ്യന്മാരായി. 78 പോയിന്റാണ് മൂവാറ്റുപുഴ മേഖല നേടിയത്. 74 പോയിന്റോടെ അങ്കമാലി മേഖല രണ്ടാം സ്ഥാനവും 72 പോയിന്റോടെ മലബാർ ഭദ്രാസനം മൂന്നാം സ്ഥാനവും കരസ്ഥമാക്കി.സൺഡേ സ്കൂൾ തലത്തിൽ വാഴപ്പിള്ളി സെന്റ് മേരീസ് ഒന്നാം സ്ഥാനം നേടി. ഊരക്കാട് സെന്റ് തോമസ് രണ്ടാം സ്ഥാനവും നീലഗിരി മാങ്കോട് സെന്റ് ജോർജ് മൂന്നാം സ്ഥാനവും സ്വന്തമാക്കി. ഡിസ്ട്രിക്ട് തലത്തിൽ മുടവൂർ ഒന്നാം സ്ഥാനത്തും പള്ളിക്കര രണ്ടാം സ്ഥാനത്തും അകപ്പറമ്പ് മൂന്നാം സ്ഥാനത്തുമെത്തി.സബ് ജൂനിയർ വിഭാഗത്തിൽ ജുവാൻ മറിയ എൽദോ, ജൂനിയർ വിഭാഗത്തിൽ ഊരക്കാട് മെർലിൻ എൽദോ, സീനിയർ വിഭാഗത്തിൽ വാഴപ്പിള്ളി അന്ന വർഗീസ്, പ്ലസ് ടു വിഭാഗത്തിൽ കുറുപ്പംപടി നിയ അന്ന പോൾ എന്നിവരെ കലാതിലകങ്ങളായി തിരഞ്ഞെടുത്തു.പുത്തൻകുരിശിലെ എം.ജെ.എസ്.എസ്.എ ആസ്ഥാനത്ത് നടന്ന സമാപന സമ്മേളനം അഭിവന്ദ്യ ഡോ. മോർ അന്തീമോസ് മാത്യൂസ് മെത്രാപ്പോലീത്ത ഉദ്ഘാടനം ചെയ്തു. എം.ജെ.എസ്.എസ്.എ പ്രസിഡന്റ് അഭിവന്ദ്യ മോർ യൂലിയോസ് ഏലിയാസ് മെത്രാപ്പോലീത്ത അധ്യക്ഷത വഹിച്ചു.വൈസ് പ്രസിഡന്റ് ഫാ. ഷിബിൻ പോൾ, ജനറൽ സെക്രട്ടറി എൽദോ ഐസക്, കലോത്സവ സെക്രട്ടറി പി.വി. ജേക്കബ്, പി.ഐ. കുര്യാക്കോസ്, അവിനേഷ് തണ്ടാശേരി, ട്രഷറർ എം.കെ. വർഗീസ് എന്നിവർ പ്രസംഗിച്ചു.

Comments (0)

Related Stories