കുവൈറ്റ് മോർ അത്താനാസിയോസ് ജാക്കബൈറ്റ് സൺ‌ഡേ സ്ക്കൂളിന്റെ സുവർണ്ണ ജൂബിലി ഉദ്ഘാടനം നടത്തപ്പെട്ടു.

കുവൈറ്റ്: മലങ്കര യാക്കോബായ സുറിയാനി ഓർത്തഡോക്സ് സഭയുടെ കീഴിൽ ഗൾഫ് രാജ്യത്ത് ആദ്യമായി ആരംഭിച്ച സൺഡേ സ്കൂൾ എന്ന പ്രത്യേകതയുള്ള കുവൈറ്റ് സെന്റ് ജോർജ് യൂണിവേഴ്സൽ സിറിയൻ ഓർത്തഡോക്സ് റീഷ് (വലിയ) പള്ളിയുടെ കീഴിലുള്ള മോർ അത്താനാസിയോസ് സൺഡേ സ്കൂളിന്റെ സുവർണ ജൂബിലി ആഘോഷങ്ങൾക്ക് തുടക്കമായി. കുവൈറ്റ് നാഷണൽ ഇവാൻജെലിക്കൽ ചർച്ചിൽ നടന്ന ചടങ്ങിൽ കുവൈറ്റിലെ അർമേനിയൻ സഭയുടെ ബിഷപ്പ് മോർ ഓഷ്യൻ ടൗവാല്യേർടാനിയൻ സുവർണ ജൂബിലി ആഘോഷങ്ങളുടെ ഉദ്ഘാടനം നിർവഹിച്ചു. വിശുദ്ധ കുർബാനയ്ക്കുശേഷമായിരുന്നു ജൂബിലി സമ്മേളനം. ജൂബിലി സമ്മേളനത്തിൽ ഇടവക മെത്രാപ്പോലീത്ത അഭിവന്ദ്യ ഡോ. ഗീവർഗീസ് മോർ കൂറിലോസ് മെത്രാപ്പോലീത്ത അനുഗ്രഹസന്ദേശം നൽകി. ഇടവക വികാരി റവ. ഫാ. ബിബിൻ ജോർജ് തോമസ് അധ്യക്ഷത വഹിച്ച സമ്മേളനത്തിൽ സൺഡേ സ്കൂൾ ഹെഡ്മാസ്റ്റർ ബേസിൽ സി. ഏലിയാസ് സ്വാഗതം ആശംസിച്ചു. കുവൈറ്റ് നാഷണൽ ഇവാൻജെലിക്കൽ ചർച്ച് സെക്രട്ടറി റോയ് കെ. യോഹന്നാൻ, ഇടവക സെക്രട്ടറി രഞ്ജിത് കുരുവിള എന്നിവർ ആശംസകൾ അറിയിച്ചു. കുവൈറ്റിലെ അർമേനിയൻ ഇടവക വികാരി റവ. ഫാ. അർദഗ് കെഹായനിയൻ, റവ. ഫാ. ഗ്ലിൻറ്റോ വറുഗീസ് (തൃശൂർ ഭദ്രാസനം), കുവൈറ്റ് നാഷണൽ ഇവാൻജെലിക്കൽ ചർച്ച് കൗൺസിൽ അംഗം അജോഷ് മാത്യു, ഇടവക ട്രസ്റ്റി ബെച്ചു മാത്തൻ, സഭാ മാനേജിങ് കമ്മിറ്റി അംഗം എൽദോസ് പി. ജോയ്, കമാൻഡർ ബിന്നി മാത്യു എന്നിവർ ചടങ്ങിൽ സന്നിഹിതരായിരുന്നു. സൺഡേ സ്കൂളിന്റെ ദീർഘകാല പ്രവർത്തനങ്ങളെയും സഭാ വിശ്വാസപരിശീലന രംഗത്തെ സംഭാവനകളെയും അനുസ്മരിച്ചുകൊണ്ടാണ് സുവർണ ജൂബിലി ആഘോഷങ്ങൾക്ക് തുടക്കം കുറിച്ചത്. വിശ്വാസപരിശീലനത്തിലൂടെ പുതുതലമുറയെ സഭയുടെ വിശ്വാസത്തിലും പാരമ്പര്യത്തിലും വളർത്തിയെടുക്കുന്നതിൽ സൺഡേ സ്കൂൾ നിർവഹിച്ചുവരുന്ന പങ്കും ചടങ്ങിൽ എടുത്തുപറഞ്ഞു. അസിസ്റ്റന്റ് ഹെഡ്മിസ്ട്രസ് ഷെറിൻ ഷിനു നന്ദി പ്രകാശിപ്പിച്ചു. സൺഡേ സ്കൂൾ അധ്യാപകർ, വിദ്യാർഥികൾ, മാതാപിതാക്കൾ, ഇടവക അംഗങ്ങൾ തുടങ്ങി നിരവധി പേർ സുവർണ ജൂബിലി ഉദ്ഘാടന ചടങ്ങിൽ പങ്കെടുത്തു. അരനൂറ്റാണ്ടിന്റെ പ്രവർത്തനപാരമ്പര്യം ആഘോഷിച്ചുകൊണ്ട് മോർ അത്താനാസിയോസ് സൺഡേ സ്കൂൾ പുതിയ തലമുറയിലേക്കുള്ള വിശ്വാസപരിശീലന ശുശ്രൂഷ കൂടുതൽ ശക്തമായി മുന്നോട്ടുകൊണ്ടുപോകാനുള്ള ഒരുക്കത്തിലാണ്.

Comments (0)

Related Stories