പാമ്പാടി ഡിസ്ട്രിക്ട് കലോത്സവം 2026: വെള്ളൂർ സെന്റ് സൈമൺസ് സെൻട്രൽ സൺഡേ സ്കൂളിന് ഓവറോൾ കിരീടം

വെള്ളൂർ: എം.ജെ.എസ്.എസ്.എ പാമ്പാടി ഡിസ്ട്രിക്ട് കലോത്സവം 2026ൽ 112 പോയിന്റുമായി വെള്ളൂർ സെന്റ് സൈമൺസ് സെൻട്രൽ സൺഡേ സ്കൂൾ ഓവറോൾ ചാമ്പ്യന്മാരായി. 111 പോയിന്റ് നേടിയ പാമ്പാടി ഈസ്റ്റ് സെന്റ് മേരീസ് സൺഡേ സ്കൂൾ രണ്ടാം സ്ഥാനവും 108 പോയിന്റുമായി അരീപ്പറമ്പ് സെന്റ് മേരീസ് സൺഡേ സ്കൂൾ മൂന്നാം സ്ഥാനവും നേടി. പാമ്പാടി ഡിസ്ട്രിക്ടിൽ 16 സൺഡേ സ്കൂളുകളാണ് എം.ജെ.എസ്.എസ്.എയുടെ കീഴിൽ പ്രവർത്തിക്കുന്നതെന്ന് ഔദ്യോഗിക വിവരങ്ങൾ വ്യക്തമാക്കുന്നു. വെള്ളൂർ സെന്റ് സൈമൺസ് യാക്കോബായ സുറിയാനി പള്ളിയിൽ നടന്ന കലോത്സവത്തിന്റെ സമാപന സമ്മേളനം എം.ജെ.എസ്.എസ്.എ അഖില മലങ്കര സെക്രട്ടറി അവിനേഷ് തണ്ടാശ്ശേരിൽ ഉദ്ഘാടനം ചെയ്തു. പള്ളി വികാരി റവ. ഫാ. ലിബിൻ കുര്യാക്കോസ് കൊച്ചുപ്പറമ്പിൽ അധ്യക്ഷത വഹിച്ചു. പള്ളി വികാരി റവ. ഫാ. ലിബിൻ കുര്യാക്കോസ് കൊച്ചുപ്പറമ്പിൽ പതാക ഉയർത്തിയതോടെയാണ് മത്സരങ്ങൾക്ക് തുടക്കമായത്. പാമ്പാടി ഡിസ്ട്രിക്ടിലെ വിവിധ സൺഡേ സ്കൂളുകളിൽനിന്നുള്ള വിദ്യാർഥികൾ വിവിധ കലാമത്സരങ്ങളിൽ മാറ്റുരച്ചു. വിശ്വാസപരവും സാംസ്കാരികവുമായ പരിശീലനത്തോടൊപ്പം കുട്ടികളുടെ സർഗാത്മക കഴിവുകൾ പരിപോഷിപ്പിക്കുന്ന വേദിയായി കലോത്സവം മാറി. 57 പോയിന്റുമായി സെന്റ് മേരീസ് പങ്ങട നാലാം സ്ഥാനവും 43 പോയിന്റുമായി സെന്റ് ഇഗ്നാത്തിയോസ് കറ്റുവെട്ടിക്കൽ അഞ്ചാം സ്ഥാനവും 31 പോയിന്റുമായി സെന്റ് ഇഗ്നാത്തിയോസ് എരുമേലി ആറാം സ്ഥാനവും നേടി. വെള്ളൂർ സെന്റ് സൈമൺസ് നോർത്ത് 29 പോയിന്റുമായി ഏഴാമതും പാമ്പാടി സെന്റ് മേരീസ് സിംഹാസന 28 പോയിന്റുമായി എട്ടാമതും വെള്ളൂർ സെന്റ് തോമസ് 27 പോയിന്റുമായി ഒൻപതാമതും ഉള്ളായം സെന്റ് ജോർജ് 24 പോയിന്റുമായി പത്താമതും സ്ഥാനങ്ങൾ നേടി. പൊത്തൻപുറം സെന്റ് ഇഗ്നാത്തിയോസ് 21, പൊൻകുന്നം സെന്റ് തോമസ് 9, കോരുത്തോട് സെന്റ് മേരീസ് 8 പോയിന്റുകൾ നേടി. പാമ്പാടി ഡിസ്ട്രിക്ടിലെ സൺഡേ സ്കൂളുകൾ തമ്മിലുള്ള കലാമികവിന്റെ മികച്ച പ്രകടനത്തിനാണ് കലോത്സവം സാക്ഷ്യം വഹിച്ചത്. സബ് ജൂനിയർ വിഭാഗത്തിൽ വെള്ളൂർ സെന്റ് സൈമൺസ് സെൻട്രൽ ഒന്നാം സ്ഥാനവും പാമ്പാടി ഈസ്റ്റ് സെന്റ് മേരീസ് രണ്ടാം സ്ഥാനവും അരീപ്പറമ്പ് സെന്റ് മേരീസ് മൂന്നാം സ്ഥാനവും നേടി. ജൂനിയർ വിഭാഗത്തിൽ അരീപ്പറമ്പ് സെന്റ് മേരീസ് ചാമ്പ്യന്മാരായി. വെള്ളൂർ സെന്റ് സൈമൺസ് സെൻട്രൽ രണ്ടാം സ്ഥാനവും പാമ്പാടി ഈസ്റ്റ് സെന്റ് മേരീസ് മൂന്നാം സ്ഥാനവും കരസ്ഥമാക്കി. സീനിയർ വിഭാഗത്തിൽ പാമ്പാടി ഈസ്റ്റ് സെന്റ് മേരീസ് ഒന്നാം സ്ഥാനത്തെത്തി. വെള്ളൂർ സെന്റ് സൈമൺസ് സെൻട്രൽ രണ്ടാം സ്ഥാനവും അരീപ്പറമ്പ് സെന്റ് മേരീസ് മൂന്നാം സ്ഥാനവും നേടി. സൂപ്പർ സീനിയർ വിഭാഗത്തിൽ അരീപ്പറമ്പ് സെന്റ് മേരീസ് ചാമ്പ്യന്മാരായപ്പോൾ വെള്ളൂർ സെന്റ് സൈമൺസ് സെൻട്രൽ രണ്ടാം സ്ഥാനവും പാമ്പാടി ഈസ്റ്റ് സെന്റ് മേരീസ് മൂന്നാം സ്ഥാനവും നേടി. കലാതിലകം 2026 കലോത്സവത്തിലെ വിവിധ വിഭാഗങ്ങളിലെ മികച്ച പ്രകടനത്തിന് കലാതിലകം 2026 പുരസ്കാരവും പ്രഖ്യാപിച്ചു. സബ് ജൂനിയർ: അന്ന ബോബിൻ ജോർജ് — സെന്റ് സൈമൺസ് സെൻട്രൽ, വെള്ളൂർ ജൂനിയർ: ജോഹന്ന ടിജോ — സെന്റ് ജോർജ്, ഉള്ളായം സീനിയർ: നതാനിയ എലിസബത്ത് സജി — സെന്റ് മേരീസ്, പാമ്പാടി ഈസ്റ്റ് സൂപ്പർ സീനിയർ: ദിയ അന്ന സുബി — സെന്റ് മേരീസ്, അരീപ്പറമ്പ് സമാപന സമ്മേളനത്തിൽ സഹവികാരി റവ. ഫാ. തോമസ് ജെയിംസ് കണ്ടമുണ്ടാരിയിൽ, കേന്ദ്രകമ്മിറ്റിയംഗം കോര സി. കുന്നുംപുറം, ഭദ്രാസന സെക്രട്ടറി ജോമോൻ കെ.ജെ., ഡിസ്ട്രിക്ട് ഇൻസ്പെക്ടർ മാത്യു വർഗീസ്, ഡിസ്ട്രിക്ട് സെക്രട്ടറി രാജൻ ജോർജ്, പള്ളി ട്രസ്റ്റി പി.ടി. എബ്രഹാം, സെക്രട്ടറി ജോൺ കെ. വർഗീസ് എന്നിവർ ആശംസകൾ നേർന്നു. മത്സരവിജയികൾക്കുള്ള സമ്മാനങ്ങൾ വികാരിമാരും ഭദ്രാസന-ഡിസ്ട്രിക്ട് ഭാരവാഹികളും വിതരണം ചെയ്തു. ഡിസ്ട്രിക്ട് ഇൻസ്പെക്ടർ മാത്യു വർഗീസ്, ഡിസ്ട്രിക്ട് സെക്രട്ടറി രാജൻ ജോർജ്, അധ്യാപക പ്രതിനിധി ബിജിമോൾ ഫിലിപ്പ് എന്നിവരുടെ നേതൃത്വത്തിൽ ഹെഡ്മാസ്റ്റർമാരുടെയും അധ്യാപകരുടെയും സഹകരണത്തോടെയാണ് കലോത്സവം സംഘടിപ്പിച്ചത്.

Comments (0)

Related Stories