കൊച്ചി ഭദ്രാസനത്തിലെ നാല് വൈദികർ കോർ എപ്പിസ്കോപ്പ സ്ഥാനത്തേക്ക്

മുളന്തുരുത്തി ● മലങ്കര യാക്കോബായ സുറിയാനി സഭയുടെ കൊച്ചി ഭദ്രാസനത്തിലെ നാല് വൈദികർ കോർ എപ്പിസ്കോപ്പ സ്ഥാനത്തേക്ക് ഉയർത്തപ്പെടുന്നു. 2026 സെപ്റ്റംബർ 9 ബുധനാഴ്ച രാവിലെ 8 മണിക്ക് മുളന്തുരുത്തി മാർത്തോമ്മൻ യാക്കോബായ സുറിയാനി കത്തീഡ്രലിൽ നടക്കുന്ന ശുശ്രൂഷയിൽ ശ്രേഷ്ഠ കാതോലിക്കായും മലങ്കര മെത്രാപ്പോലീത്തായുമായ ആബൂൻ മോർ ബസ്സേലിയോസ് ജോസഫ് ബാവയുടെ തൃക്കരങ്ങളാൽ സ്ഥാനാരോഹണം നടത്തപ്പെടും.വൈദികരായി വന്ദ്യ ഫാ. വർഗീസ് പുലയത്ത്, വന്ദ്യ ഫാ. ഷമ്മി ജോൺ, വന്ദ്യ ഫാ. ജേക്കബ് കുരുവിള, വന്ദ്യ ഫാ. റോയ് വെട്ടിക്കാട്ടിൽ എന്നിവരാണ് കോർ എപ്പിസ്കോപ്പ സ്ഥാനത്തേക്ക് ഉയർത്തപ്പെടുന്നത് .മുളന്തുരുത്തി മാർത്തോമ്മൻ യാക്കോബായ സുറിയാനി കത്തീഡ്രലിൽ നടക്കുന്ന സ്ഥാനാരോഹണ ശുശ്രൂഷയിൽ സഭയിലെ മേല്പട്ടക്കാരും വൈദികരും വിശ്വാസികളും പങ്കെടുക്കും. ഭദ്രാസന തലത്തിലും ഇടവക തലത്തിലുള്ളതുമായ ശുശ്രൂഷകളിൽ ദീർഘകാലമായി സേവനം അനുഷ്ഠിച്ചുവരുന്ന ഈ വൈദികർക്ക് അവരുടെ ശുശ്രുഷകളെ മാനിച്ചുകൊണ്ടാണ് കോർ എപ്പിസ്കോപ്പ സ്ഥാനം ലഭിക്കുന്നത്. സുറിയാനി സഭയുടെ പാരമ്പര്യത്തിൽ വൈദിക ശുശ്രൂഷയിൽ പ്രത്യേക ഉത്തരവാദിത്വവും ആദരവും സൂചിപ്പിക്കുന്ന സ്ഥാനമാണ് കോർ എപ്പിസ്കോപ്പ. പുതിയ സ്ഥാനത്തിലേക്ക് ഉയർത്തപ്പെടുന്ന വൈദികരുടെ ശുശ്രൂഷകൾ സഭയ്ക്കും വിശ്വാസസമൂഹത്തിനും കൂടുതൽ അനുഗ്രഹപ്രദമാകട്ടെയെന്ന് പ്രാർത്ഥിക്കുന്നു..സ്ഥാനാരോഹണ ശുശ്രൂഷയിലേക്ക് സഭാംഗങ്ങളെയും വിശ്വാസികളെയും ക്ഷണിക്കുന്നതിനൊപ്പം, പുതിയതായി കോർ എപ്പിസ്കോപ്പ സ്ഥാനത്തേക്ക് ഉയർത്തപ്പെടുന്ന വന്ദ്യ ഫാ. വർഗീസ് പുലയത്ത്, വന്ദ്യ ഫാ. ഷമ്മി ജോൺ, വന്ദ്യ ഫാ. ജേക്കബ് കുരുവിള, വന്ദ്യ ഫാ. റോയ് വെട്ടിക്കാട്ടിൽ എന്നിവർക്ക് ജാക്കോബൈറ്റ് ഓൺലൈൻ എല്ലാ പ്രാർത്ഥനാ മംഗളങ്ങളും ആശംസകളും നേരുന്നു.

Comments (0)

Related Stories