മലങ്കരയുടെ പ്രകാശഗോപുരമായ ശ്രേഷ്ഠ ബസേലിയോസ് പൗലോസ് ദ്വിതീയൻ ബാവയുടെ 30-ാം ഓർമ്മപ്പെരുന്നാൾ; മൂവാറ്റുപുഴ മേഖലയുടെ തീർത്ഥയാത്രയ്ക്ക് തുടക്കം

കടാതി ● മലങ്കരയുടെ പ്രകാശഗോപുരമായ പുണ്യശ്ലോകനായ ശ്രേഷ്ഠ ആബൂൻ മോർ ബസേലിയോസ് പൗലോസ് ദ്വിതീയൻ കാതോലിക്കാ ബാവയുടെ 30-ാം ഓർമ്മപ്പെരുന്നാളിനോടനുബന്ധിച്ച് അങ്കമാലി ഭദ്രാസനത്തിലെ മൂവാറ്റുപുഴ മേഖല സംഘടിപ്പിക്കുന്ന തീർത്ഥയാത്രയ്ക്ക് തുടക്കമായി. 2026 ഓഗസ്റ്റ് 31-ന് കടാതി സെന്റ് പീറ്റേഴ്സ് & സെന്റ് പോൾസ് യാക്കോബായ സുറിയാനി പള്ളിയിൽ നിന്നാണ് തീർത്ഥയാത്ര ആരംഭിച്ചത്.മൂവാറ്റുപുഴ മേഖലയുടെ മെത്രാപ്പോലീത്ത അഭിവന്ദ്യ മോർ ഗബ്രിയേൽ ഗ്രിഗോറിയോസ് തിരുമേനി തീർത്ഥയാത്രയ്ക്ക് നേതൃത്വം നൽകി. തീർത്ഥാടകരെ അഭിസംബോധന ചെയ്ത തിരുമേനി യാത്രയ്ക്ക് അനുഗ്രഹാശംസകൾ നേർന്നു. ശ്രേഷ്ഠ ബാവയുടെ വിശ്വാസസാക്ഷ്യവും സഭയ്ക്കും സമൂഹത്തിനും അദ്ദേഹം നൽകിയ ആത്മീയ നേതൃത്വവും അനുസ്മരിച്ചുകൊണ്ടാണ് തീർത്ഥയാത്ര സംഘടിപ്പിച്ചിരിക്കുന്നത്.ശ്രേഷ്ഠ മോർ ബസേലിയോസ് പൗലോസ് ദ്വിതീയൻ ബാവയുടെ ഓർമ്മപ്പെരുന്നാളിനോടനുബന്ധിച്ച് മലേക്കുരിശ് ദയറായിലേക്ക് വിവിധ പ്രദേശങ്ങളിൽനിന്ന് വിശ്വാസികൾ തീർത്ഥാടനമായി എത്തിച്ചേരുന്നുണ്ട്. പ്രാർത്ഥനയോടും വിശ്വാസത്തോടും കൂടി തീർത്ഥയാത്രയിൽ പങ്കെടുക്കുന്ന വിശ്വാസികൾ പുണ്യശ്ലോകനായ ശ്രേഷ്ഠ ബാവയുടെ കബറിങ്കൽ പ്രാർത്ഥനയും അനുസ്മരണവും നടത്തും. മൂവാറ്റുപുഴ മേഖലയിൽ നിന്നുള്ള വൈദികരും വിശ്വാസികളും ഉൾപ്പെടെ നിരവധി പേർ തീർത്ഥയാത്രയിൽ പങ്കാളികളായി.

Comments (0)

Related Stories