ആഗോള മരിയൻ തീർത്ഥാടന കേന്ദ്രമായ കട്ടച്ചിറ സെന്റ് മേരീസ് ചാപ്പലിൽ പരിശുദ്ധ കന്യകാമറിയത്തിന്റെ ജനനപ്പെരുന്നാളിന് കൊടിയേറി

കട്ടച്ചിറ ● ആഗോള മരിയൻ തീർത്ഥാടന കേന്ദ്രമായ കട്ടച്ചിറ സെന്റ് മേരീസ് ചാപ്പലിൽ പരിശുദ്ധ കന്യകാമറിയത്തിന്റെ ജനനപ്പെരുന്നാളിന് ഭക്തിനിർഭരമായ തുടക്കം. പ്രധാന പെരുന്നാൾ ശുശ്രൂഷകൾക്കായി വിപുലമായ ക്രമീകരണങ്ങളാണ് ഒരുക്കിയിരിക്കുന്നത്.പെരുന്നാൾ ശുശ്രൂഷകൾക്ക് മുന്നോടിയായി നടന്ന പെരുന്നാൾ കൊടിയേറ്റ് വെരി. റവ. മിഖായേൽ റമ്പാൻ നിർവഹിച്ചു. ആഗസ്റ്റ് 30 ഞായറാഴ്ച് രാവിലെ 7ന് പ്രഭാത നമസ്കാരവും 8ന് വിശുദ്ധ കുർബാനയും തുടർന്ന് രാവിലെ 9.30ന് തീർത്ഥാടന കേന്ദ്രത്തിന് മുന്നിലുള്ള കൊടിമരത്തിൽ പെരുന്നാൾ കൊടിയേറ്റി.രാവിലെ 10ന് പിതൃസ്മരണയും പ്രത്യേക പ്രാർത്ഥനകളും നടക്കും. ഇടവകയിലെ പരേതരായ വിശ്വാസികളുടെ ഓർമ്മയ്ക്കായി പ്രത്യേക പ്രാർത്ഥനകൾ അർപ്പിക്കും.ഉച്ചയ്ക്ക് 2ന് കൊടിമര ഘോഷയാത്ര. പടിഞ്ഞാറേക്കരയിൽ ശ്രീമതി ചിന്നമ്മ ശാമുവേലിന്റെ ഭവനത്തിൽ നിന്ന് നേർച്ചയായി നൽകുന്ന കൊടിമരം ആഘോഷപൂർവം ആനയിക്കുകയും തുടർന്ന് തുടർന്ന് കൊടിയേറ്റൽ ചടങ്ങ് നടത്തുകയും ചെയ്തു. സഭാ മാനേജിങ് കമ്മിറ്റി അംഗം റവ. ഫാ. ജോർജ് പെരുമ്പട്ടത്ത് കൊടിയേറ്റ് നിർവഹിച്ചു.വൈകിട്ട് 4.30ന് വിളംബരഘോഷയാത്രയും വിവിധ കുരിശടികളിൽ കൊടിയേറ്റവും നടന്നു.പരിശുദ്ധ കന്യകാമറിയത്തിന്റെ ജനനപ്പെരുന്നാളിനോടനുബന്ധിച്ചുള്ള ശുശ്രൂഷകളിൽ വിശ്വാസികൾ ഭക്തിപൂർവം പങ്കെടുത്ത് പരിശുദ്ധ ദൈവമാതാവിന്റെ മദ്ധ്യസ്ഥതയിലൂടെ ദൈവാനുഗ്രഹം പ്രാപിക്കണമെന്ന് പെരുന്നാൾ ഭാരവാഹികൾ അഭ്യർഥിച്ചു.

Comments (0)

Related Stories