വൈകി വന്ന നീതി : മലങ്കര സഭാ തർക്കവുമായി ബന്ധപ്പെട്ട വിവിധ നിയമവശങ്ങൾ വിശദമായി

സഭാ ക്കേസിൽ 1959 ലെ അഞ്ചംഗബെഞ്ചിൻ്റെ വിധിയും തുടർന്നുണ്ടായ യോജിപ്പിനും ശേഷമാണ് പള്ളിപിടുത്തത്തിൻ്റെ ആരംഭം.വന്ദ്യ കണിയാമ്പറമ്പിലച്ചൻ വികാരിയായിരുന്ന തിരുവല്ലാ, കട്ടപ്പുറത്തു പള്ളി, പുതുപ്പള്ളിപ്പള്ളി തുടങ്ങി പുരാതനമായ പല പള്ളികളും അക്കാലത്തു നഷ്ടപ്പെട്ടു. സഭയെ പിളർത്തിയവർ ഏതു വിധിവന്നാലും തങ്ങൾക്കനുകൂലം എന്ന പ്രചരണം 1995 ലെയും 2017 ലെയും വിധികൾക്കു ശേഷവും തുടർന്നുവന്നു. 2017 ലെ വിധിക്കുശേഷം 60തിനടുത്ത് പള്ളികളിൽ കയ്യേറ്റം നടന്നു. സിവിൾക്കേസിലെ വിധികൾ Execution നടപടികൾ പൂർത്തിയാക്കാതെ നടപ്പാക്കുന്നത് നിലവിലെ നിയമങ്ങളുടെ ലംഘനമാകുമെന്നതിനാൽ അത് കുറ്റകരവും ശിക്ഷാർഹവുമാ കുമെന്ന് 1995 മുതൽ നാം പറഞ്ഞു വരുന്നതാണ്. എന്നാൽ അവയെല്ലാം അവഗണിക്കപ്പെട്ടു. അതിനെതിരെ പ്രതികരിക്കുന്നവരെല്ലാം നൂറുകണക്കിനു കേസുകളിൽ പ്രതികളായി. അനേകർ അറസ്റ്റുചെയ്യപ്പെട്ടു. കാലക്രമേണ, മനസു മരവിച്ചു തളർന്നു പോയവരിൽ നിന്നു വേണ്ടത്ര പ്രതിരോധമോ, എതൃപ്പോ, ഇല്ലാതെ വന്നപ്പോൾ,പള്ളിപിടുത്തം ഒരവകാശമാക്കി മാറ്റി. പള്ളികളും, സെമിത്തേരികളും, പിടിക്കാനും, മൃതശരീരം അടക്കം ചെയ്യുന്നതു തടയാനും എളുപ്പമാർഗ്ഗം നിയമമല്ല,ഗുണ്ടായിസമാണെന്നുമുള്ള കണ്ടെത്തലിൽ പള്ളികളിൽ, അതോടെ ഗുണ്ടകളുടെ അഴിഞ്ഞാട്ടം ആരംഭിച്ചു. വാതിൽ പാളികൾ അറത്തു മാറ്റിയും, മദ്ബഹായുടെ മുൻപിൽ നിന്ന് മുഷ്ടി ചുരുട്ടി വെല്ലുവിളിനടത്തിയും, അസഭ്യവാക്കുകൾ ചൊരിഞ്ഞും, പള്ളികളുടെ യഥാർത്ഥ ഉടമകളായ യാക്കോബായക്കാരുടെ രക്തവും ,കണ്ണീരും ഉണങ്ങിക്കിടക്കുന്ന പള്ളികളിൽ അതിക്രമികളുടെ പിതാക്കൻമാർക്ക് ശുബ്ക്കോനൊ നടത്തി ബലിയർപ്പിക്കാൻ അവർ സൌകര്യം ഒരുക്കിക്കൊടുത്തു . തുടർന്ന് Contempt of Court നടപടികൾ സർക്കാരിനെതിരെ വന്നതിനെത്തുടർന്ന് സഭാക്കേസിലെ എല്ലാ കേസുകളുടെയും വിധികൾ ബഹു. സുപ്രീം കോടതി പരിശോധനാവിഷയമാക്കി. എന്തുകൊണ്ട് പള്ളികൾ പിടിച്ചെടുക്കാൻ കഴിയില്ല എന്നതിനെ സംബന്ധിച്ച്, സർക്കാർ നൽകിയ രേഖകളും, തെളിവുകളും, ബഹു.സുപ്രീം കോടതിയും, ഹൈക്കോടതിയും സമഗ്രമായി പരിശോധിച്ചു.1958 മുതലുള്ള വിധികൾ,അനുബഡതെളിവുകൾ എല്ലാം പരിശോധിക്കപ്പെട്ടു.ബഹു. സുപ്രീം കോടതിയുടെ 30.1.2025 ലെ വിധിപ്രകാരം ഏഴുകാര്യങ്ങൾ പുനപരിശോധിച്ച് ബഹു. കേരളാ ഹൈക്കോടതി 2026 മാർച്ച് 26നു പുറപ്പെടുവിച്ച നീതിയുക്തമായവിധി സത്യത്തിൻ്റെയും, നീതിയുടെയും വിജയമായിരുന്നു.മേലിലെങ്കിലും നമ്മുടെ അവകാശങ്ങൾ സംരക്ഷിക്കപ്പെടേണ്ടതാണ് . ഇത്തരുണത്തിൽ ദൈവാലയങ്ങളും സ്വത്തുക്കളും ബലം പ്രയോഗിച്ച് കയ്യേറുന്നതു തടയുവാനും, നഷ്ടപ്പെട്ടവ തിരികെ ലഭിക്കുവാനും, നിയമം നൽകുന്ന പരിരക്ഷയെക്കുറിച്ച് അത്യാവശ്യം ചില നിയമ കാര്യങ്ങൾ സഭാംഗങ്ങൾ അറിഞ്ഞിരിക്കേണ്ടതാണ്. ഈ ചെറു ലേഖനത്തിൻ്റെ ഉദ്ദേശം അതാണ്. Code of Civil Procedure (CPC)-യിൽ കോടതി വിധികളുടെ നടത്തിപ്പിനെക്കുറിച്ച് (Execution of Decrees) പ്രതിപാദിക്കുന്ന ഭാഗമാണ് Order XXI, എന്നാൽ അവയെല്ലാം അവഗണിച്ച് നിലവിലുള്ള നിയമങ്ങൾക്കു വിരുദ്ധമായി, മുകളിൽ വിവരിച്ച order 21, CPC പ്രകാരമല്ലാതെ നിയമരഹിതമായ രീതിയിൽ ഒരു സർക്കാർ ഉദ്യോഗസ്ഥൻ ഇടപെട്ട് Execution നടപടികൾ - വിധി നടപ്പാക്കൽ - നടപടികൾക്കൊന്നും പോകാതെ, അപ്പീൽ periodനു മുൻപോ,ശേഷമോ, Judicial proceedings നടന്നുകൊണ്ടിരിക്കുമ്പോഴോ, ദുരുദ്ദേശത്തോടെ, ഇടപെട്ട് താഴെപ്പറയുന്ന വകുപ്പിൽ പറഞ്ഞിരിക്കുന്ന പ്രകാരം പ്രസ്തുത കേസിൽ രേഖാമൂലമോ, അല്ലാതെയോ എന്തെങ്കിലും തീർപ്പു കൽപ്പിക്കുകയോ, നടപടി സ്വീകരിക്കുകയോ,ചെയ്താൽ 7 വർഷം വരെ തടവിലാക്കപ്പെടാവുന്ന ഒരു കുറ്റമാണതെന്ന്, BNS 257 ( മുൻപ് IPC 219) അനുശാസിക്കുന്നു. അതല്ല മേൽ നിയമങ്ങൾക്കും, നടപടിക്രമങ്ങൾക്കും വിരൂദ്ധമായി, ഗുണ്ടകളെ കൂട്ടി ആരുടെയെങ്കിലും കൈവശത്തിലിരിക്കുന്ന സ്വത്തുക്കളിൽ നിയമങ്ങളേയും,കോടതി വിധികളേയും ദുർവ്യാഖ്യാനം ചെയ്ത്, ബലമായി പിടിച്ചെടുത്ത് ചെയ്യുന്ന ഓരോ കുറ്റകരമായ പ്രവർത്തിക്കും, അതിനു പ്രേരണനൽകിയവരും, കാരണക്കാരായവരും, ഉൾപ്പെട്ടവരും, തങ്ങൾ ചെയ്ത ഓരോ കുറ്റങ്ങൾക്കും ഉത്തരവാദികളാകുകയും അവരുടെമേൽ വിവിധ വകുപ്പുകൾ പ്രകാരം കുറ്റം ചുമത്തപ്പെടാവുന്നതുമാണ്. പള്ളികളും, സ്വത്തുക്കളും, ഇടവകക്കാരുടേതാണെന്നും, അത് ബലമായി പിടിച്ചടക്കരുതെന്നും 1995, ലെയും 2017 ലെയും ബഹു. സുപ്രീം കോടതി വിധികളിൽ വ്യക്തമാക്കിയിട്ടും, ഈ നിയമലംഘനം നിർവിഘ്നം നടന്നുവരികയാണ്.Section 257 of the Bharatiya Nyaya Sanhita The Offence: Applies to any public servant who corruptly or maliciously makes or pronounces at any stage of a judicial proceeding any report, order, verdict, or decision which he knows to be contrary to law.Punishment: Imprisonment of either description for a term which may extend to 7 years, or with fine, or with both.Nature of Offence:Non-cognizable, bailable, and triable by a Magistrate of the first class.Key Elements1.The accused must be a public servant.2.The act must be done corruptly or maliciously.3.The public servant must know that the decision, report, or order is contrary to law.4.The act must occur within or at any stage of a judicial proceeding.(Note: This section corresponds to Section 219 of the former Indian Penal Code, 1860).നമ്മുടെ മനസിൽ ഒരു സംശയം ഇപ്പോൾ കടന്നുവന്നേക്കാം. എന്തുകൊണ്ട് നമുക്ക് നിയമപരമായി ഇതിനെ നേരത്തേ ചെറുക്കാൻ കഴിഞ്ഞില്ല ? കാരണം (1) തെളിവുകൾ കോടതിയെ നേരാംവണ്ണം ധരിപ്പിക്കുന്നതിൽ നാം പരാജയപ്പെട്ടു. (2) നമുക്ക് ലഭിക്കേണ്ട നീതി,അഥവാ നമ്മോടു കാണിക്കുന്ന നിയമലംഘനം ലോകത്തെ അറിയിക്കുവാൻ നമുക്ക് മാദ്ധ്യമങ്ങൾ ഇല്ലാതെപോയി (3 ) നമ്മളാണ് കേസിലെല്ലാം പരാജയപ്പെട്ടതെന്നും, നാം കോടതിവിധിയെ ലംഘിച്ചു നടക്കുന്നവരാണെന്നും വ്യാപകമായി പ്രചരിപ്പിച്ചു . അത് അന്ധമായി വിശ്വസിച്ചവർ - കോടതി വിധികൾ വായിച്ചു നോക്കാത്തവർ -നമ്മൾ പറയുന്ന സത്യങ്ങൾ - ശരികൾ - മുഖവിലക്കെടുക്കാൻ പോലും തയാറായില്ല . ഇത്തരം കാര്യങ്ങൾ കാരണമായേക്കാം.എന്നാൽ സർക്കാർ അക്കമിട്ടു നിരത്തിയ തെളിവുകൾ ബഹു. കോടതികൾ പരിശോധിച്ചു. അതിൻ്റെ ഫലമാണ് ഈ വിധി. നിയമ ലംഘനത്തിൻ്റെ മറവിൽ എതൃവിഭാഗംചെയ്ത കുറ്റകൃത്യങ്ങളുടെ വ്യാപ്തി എത്രവലുതായിരുന്നുവെന്ന് ചിന്തിക്കുക. മേൽപട്ടക്കാരും പട്ടക്കാരുമുൾപ്പെടെ എത്രപേർ മർദ്ദനമേറ്റു കേസിൽ പ്രതികളായി? രക്തം ചിന്തിയവർ, ജയിലിലായവർ, കേസുമൂലം, വിദേശത്തു പോകാൻ സാധിക്കാതെ ജോലി നഷ്ടപ്പെടാനുമിടയായവർ, ഹൃദയമുരുകി കണ്ണീരൊഴുക്കിയവർ, വഴിയരികിൽ വെയിലത്തും, മഴയത്തും നിന്ന് വി.കൂർബ്ബാന അർപ്പിക്കേണ്ടിവന്നവർ,ശവസംസ്കാരം നടത്താൻ കഴിയാതെ വേദന അനുഭവിച്ചവർ, പണച്ചിലവ്, അങ്ങനെയെന്തെല്ലാം. സുശക്തമായ ഭരണഘടനയും അതുസംരക്ഷിക്കുവാൻ ശക്തമായ നിയമങ്ങളും, കോടതികളും,വിധികളും,നമുക്കുണ്ടായിട്ടും,1958 മുതൽ ഈ നിയമലംഘനം എന്തുകൊണ്ട് നടക്കുന്നു?. 60 പള്ളികളുടെ കണക്ക് 2017നു ശേഷം മാത്രമുള്ളതാണ്. 1958 മുതലുള്ളകണക്കെടുത്താലോ? എത്രയധികമുണ്ടാകും? ഇതിൽ ഏതെങ്കിലും പള്ളികൾ പിടിച്ചെടുക്കാൻ വിധിയുണ്ടായിട്ടുണ്ടോ ? വിധികളിലെങ്ങുമില്ല. ആധാരപ്രകാരവും, കൈവശാവകാശ പ്രകാരവും, ഉടമസ്ഥതവഹിക്കുന്ന ആളിനെതിരെ execution നടപടികൾ എളുപ്പമല്ലാത്തതുകൊണ്ടാണ് നിയമ ലംഘനത്തിനു മുതിരുന്നത്. മറിച്ച് തങ്ങളുടെ ഭാഗത്ത് നീതിയുണ്ടെങ്കിൽ അതു നടപ്പാക്കിക്കിട്ടാൻ എന്താണ് തടസം. പിറമാടം പള്ളിയിൽ പോലീസ് സഹായത്തോടെ വിധി നടത്താമായിരുന്നില്ലേ ?Restitution ( പുനസ്ഥാപനം)CPC - 144 പ്രകാരം ഒരു കോടതിയുടെ വിധി അല്ലെങ്കിൽ ഉത്തരവ് പിന്നീട് വരുന്ന അപ്പീലിലോ, റിവിഷനിലോ, മാറ്റപ്പെടുകയോ അല്ലെങ്കിൽ റദ്ദാക്കപ്പെടുകയോ, ചെയ്താൽ മുൻവിധി പ്രകാരം നഷ്ടം സംഭവിച്ച കക്ഷികൾക്ക്, അവരുടെ പഴയ സ്ഥാനം തിരികെ ലഭിക്കുന്നതിനുള്ള നിയമപരമായ വ്യവസ്ഥയാണ് സിവിൽ പ്രൊസീജിയർ കോഡിന്റെ സെക്ക്ഷൻ 144. ഒരുത്തരവിലൂടെ ഒരു കക്ഷി അന്യായമായി നേടിയ നേട്ടങ്ങൾ തിരികെ കൊടുക്കാനും നഷ്ടം പരിഹരിക്കാനും കോടതിക്ക് ഇതിലൂടെ സാധിക്കും.Section 144 of the CPC explicitly deals with the principle of restitution. It states that where a decree or order is varied, reversed, or modified by a court of appeal, revision, or reference, the court may, upon the application of any party affected by such decree or order, make an order, for the restitution of the property or rights that may have been lost due to the execution of the original decree or order. The purpose of restitution under the CPC is to rectify the consequences of an erroneous or unjust order. It aims to restore the parties to their original position as much as possible by undoing the effects of the original order.The restitution may involve returning property, rights, or compensating for any loss suffered.അതിനാൽ ഇനി നാം ചെയ്യേണ്ടത് എന്താണ്. ? ബഹു. സുപ്രീംകോടതിയും, ഹൈക്കോടതിയും, പുറപ്പെടുവിച്ച ഇപ്പോഴത്തെ വിധിയിൽ എല്ലാവരും സന്തോഷിക്കുന്നു. വൈകി വന്ന,നീതിയുക്തമായ ഈ വിധി നിലവിൽ വന്നു കഴിഞ്ഞിരിക്കുന്നതിനാൽ സഭയിൽ ശാശ്വത സമാധാനം ഉണ്ടാകുമെന്ന് നമുക്ക് പ്രത്യാശിക്കാം . അതിനായി പ്രാർത്ഥിക്കാം. 34 പ്രകാരം പ.പാത്രിയർക്കീസ് ബാവായുടെ അധികാരം വാനിഷിംഗ് പോയൻ്റിലായെന്ന് പ്രചരിപ്പിച്ചവരുടെ 34 തന്നെ ദൈവം വാനിഷിംഗ് പോയൻ്റിലാക്കിയിരിക്കുന്നു. ഒരു വിധികളിലും, ആധാരപ്രകാരവും,കൈവശാവകാശപ്രകാരവും, ഉടമസ്ഥരായിരിക്കുന്നവരെ പുറത്താക്കി ദേവാലയങ്ങൾ പിടിച്ചെടുത്ത് മറുവിഭാഗത്തിന് കൊടുക്കുവാൻ വിധിച്ചിട്ടില്ല. പകരം, പള്ളികൾ, സെമിത്തേരികൾ,സ്വത്തുക്കൾ ഇവപിടിച്ചെടുക്കരുതെന്നും, ഇവയിൽ( parishioners) ഇടവകക്കാർക്കുള്ള അധികാരം സംരക്ഷിക്കപ്പെടണമെന്നു മാണ് 2017 ഉൾപ്പെടെയുള്ള വിധികളിൽ പറഞ്ഞിരിക്കുന്നത്.( Refer,para 184 xvii 184 xxii of of Justice Misra's 2017 judgment). 34 ബാധകമല്ലാത്ത പള്ളികളിൽ അതു നടപ്പാക്കാൻ പോയതും, പോകുന്നതും തെറ്റ്. സിവിൾ വിധികളിൽ എക്സിക്യൂഷൻ നടപടി പൂർത്തിയാക്കാതെ പോലീസ് സംരക്ഷണത്തോടെ പള്ളികളും, സ്വത്തുക്കളും, പിടിച്ചെടുത്തെങ്കിൽ അതും തെറ്റ്. അതിനാൽ ചെയ്ത തെറ്റുകൾ തിരുത്തി പള്ളികളുടെ പഴയ status quo നിലനിർത്തുക. അതിനിനി നിയമ തടസമില്ല . പിറമാടത്ത് Status quo നിലനിർത്താനുള്ള നടപടി ഇപ്പോൾ വന്നതായി അറിയുന്നു. അന്യായമായി കൈവശം വച്ചിട്ടുണ്ടെങ്കിൽ അതിനും പഴയ Statusquo ബാധകമാണ്.കോടതി വിധികളിൽ പറയാത്ത കാര്യങ്ങൾ നടപ്പാക്കണമെന്ന് മുറവിളി കൂട്ടി അതിക്രമിച്ചുകയറിവർക്ക് ഇനി കോടതികൾ വ്യക്തമാക്കിയിരിക്കുന്ന വിധിന്യായങ്ങൾ അനുസരിക്കാതിരിക്കാൻ പറ്റില്ലല്ലോ. അതിനാൽ സമാധാനത്തോടെയും, സന്തോഷത്തോടെയും, ഇറങ്ങിപ്പോവുക.അതല്ലെങ്കിൽ ഇറങ്ങിപ്പോയശേഷം ആവശ്യമെങ്കിൽ execution നടപടികളിലേക്കു നീങ്ങാം . ഇനിയും ചെയ്യേണ്ട കാര്യങ്ങൾ. സഭയെ സ്നേഹിക്കുന്ന റിട്ടയർഡ് ജുഡീഷ്യൽ ഓഫീസേഴ്സ്, സീനിയർ അഡ്വോക്കേറ്റ്സ്, സിവിൾ,ക്രിമിനൽ, നടപടിക്രമങ്ങൾ അറിവുള്ളവർ വി.സഭയിൽ ധാരാളമുണ്ട്.അവരുമായും കൂടെ ചർച്ചചെയ്ത് അവരുടെ അഭിപ്രായം കൂടി പരിഗണിച്ചശേഷം ഉചിതമായ തീരുമാനത്തിലേക്കുപോകുക. ഓരോ പള്ളികളുടെയും ലിസ്റ്റ്, ഇരുവിഭാഗത്തിൻ്റെയും അംഗസംഖ്യ, എന്നിവ സർക്കാർ തലത്തിൽ കൃത്യമായി തയ്യാറാക്കിയതും, മുദ്രവച്ചതമായ ഒരു രേഖ ബഹു. സുപ്രീം കോടതി പരിശോധിച്ച് അത് സർക്കാരിന് തിരികെ നൽകിയിട്ടുണ്ട്. സഭാതർക്കത്തിൽ സർക്കാർ നടത്തിയ ഹിതപരിശോധനയിൽ 13 ലക്ഷം പേർ അഭിപ്രായമറിയിച്ച മറ്റൊരു രേഖയും കൂടാതെ, സഭാതർക്കം പരിഹരിക്കാൻ സർക്കാർ നിയോഗിച്ച കെ.റ്റി. തോമസ് കമ്മീഷൻ സമർപ്പിച്ച റിപ്പോർട്ടും സർക്കാറിൻ്റെ കയ്യിൽ ഉണ്ട്. ഇവയെല്ലാം തർക്ക പരിഹാരത്തിന് നിരത്തേണ്ട സത്യങ്ങളാണ് .മലബാർ മോഡൽ സെറ്റിൽ മെൻ്റ്സഭാതർക്കത്തിൽ ഇരുവിഭാഗങ്ങൾക്കും സമ്മതമായ ഒരു സെറ്റിൽമെൻ്റ് മലബാർ ഭദ്രാസനാധിപനായിരുന്ന അഭിവന്ദ്യ ഫിലക്സീനോസ് തിരുമേനിയുടെ കാലത്ത് അവിടെ നടന്നു. പള്ളികളിലെ അംഗസംഖ്യ അനുസരിച്ച് വീതം വച്ചു പിരിഞ്ഞു.അന്നു മുതൽ ഇന്നും ഇരു വിഭാഗവും അവിടെ സന്തോഷത്തോടെ ഒരു തർക്കവുമില്ലാതെ ഇരുസഭകളായി അവരവരുടെ വിശ്വാസത്തിൽ കഴിയുന്നു. തർക്കമുണ്ടാക്കാൻ ചിലർ ശ്രമിച്ചെങ്കിലും ഇരു വിഭാഗത്തിലേയും, സഭാംഗങ്ങൾ അതിനു വഴങ്ങിയില്ല. ഈ മാർഗ്ഗമോ, ജസ്റ്റിസ് കെ.റ്റി. തോമസ് കമ്മീഷൻ ശുപാർശ ചെയ്യുന്നചെയ്യുന്ന ഹിതപരിശോധന വഴിയുള്ള നിയമനിർമ്മാണമോ വഴി തർക്കങ്ങൾ പരിഹരിക്കാവുന്നതാണ്. അതല്ല കേസിന്റെ വഴി സ്വീകരിച്ചാൽ അതൊരിക്കലും അവസാനിക്കാത്ത ഒരു തർക്കമായി തുടരുകയും ചെയ്യും സങ്കീ: 46; 7 "ബലവാനായ ദൈവം നമ്മോടു കൂടെയുണ്ട്. യാക്കോബിൻ്റെ ദൈവം നമ്മുടെ സങ്കേതവുമാകുന്നു"

Comments (0)

Related Stories