കോയമ്പത്തൂർ സെന്റ് മേരീസ് യാക്കോബായ പള്ളിയിൽ ഓണാഘോഷം ഓഗസ്റ്റ് 30ന്; വിശുദ്ധ കുർബാനയ്ക്ക് ഫാ. അഖിൽ അലക്സ് മുഖ്യകാർമികൻ

കോയമ്പത്തൂർ ● കോയമ്പത്തൂർ സെന്റ് മേരീസ് യാക്കോബായ സുറിയാനി ഓർത്തഡോക്സ് പള്ളിയുടെ ആഭിമുഖ്യത്തിൽ ഓണാഘോഷം ഓഗസ്റ്റ് 30 ഞായറാഴ്ച വിവിധ പരിപാടികളോടെ സംഘടിപ്പിക്കും. വിശ്വാസസമൂഹത്തിന്റെ കൂട്ടായ്മയും സൗഹൃദവും ഊട്ടിയുറപ്പിക്കുന്ന ഓണാഘോഷത്തിന്റെ ഭാഗമായി പ്രത്യേക ആഘോഷപരിപാടികളും ഒരുക്കിയിട്ടുണ്ട്.ഓഗസ്റ്റ് 30ന് രാവിലെ 7.30ന് പ്രഭാത പ്രാർത്ഥന, 8:30ന് വിശുദ്ധ കുർബാനക്ക് മഞ്ഞിനിക്കരയിൽ നിന്നുള്ള റവ. ഫാ. അഖിൽ അലക്സ് മുഖ്യകാർമികത്വം വഹിക്കും. ഇടവക വികാരി ഫാ. ജിജു വർഗീസ് സഹകാർമികത്വം വഹിക്കും. വിശുദ്ധ കുർബാനയ്ക്കുശേഷം രാവിലെ 11 മണിക്ക് ഓണാഘോഷ പരിപാടികൾക്ക് തുടക്കമാകും. ഓണത്തിന്റെ പാരമ്പര്യവും സന്ദേശവും ഉൾക്കൊണ്ട് ഇടവകാംഗങ്ങളെ ഒരുമിച്ചുചേർക്കുന്ന വിവിധ പരിപാടികൾ ആഘോഷത്തിന്റെ ഭാഗമായി ഒരുക്കിയിട്ടുണ്ട്. കുടുംബങ്ങളുടെയും കുട്ടികളുടെയും യുവജനങ്ങളുടെയും സജീവ പങ്കാളിത്തത്തോടെ ഓണാഘോഷം സംഘടിപ്പിക്കാനാണ് ഇടവക ലക്ഷ്യമിടുന്നത്.വിശ്വാസജീവിതത്തിനൊപ്പം പരസ്പര സ്നേഹവും സഹോദര്യവും കൂട്ടായ്മയും വളർത്തുക എന്ന ലക്ഷ്യത്തോടെയാണ് ഇടവക ഓണാഘോഷം സംഘടിപ്പിക്കുന്നത്. പ്രവാസജീവിതത്തിന്റെ തിരക്കുകൾക്കിടയിലും മലയാളികളുടെ സാംസ്കാരിക പാരമ്പര്യമായ ഓണത്തെ സഭാ സമൂഹത്തിന്റെ കൂട്ടായ്മയോടൊപ്പം ആഘോഷിക്കാനുള്ള അവസരമായിരിക്കും പരിപാടി.ഓണം ആഘോഷത്തിന്റെ ഭാഗമായി ഒരുക്കിയിരിക്കുന്ന പൂക്കളവും പരമ്പരാഗത അലങ്കാരങ്ങളും പരിപാടികൾക്ക് ഉത്സവാന്തരീക്ഷം പകരും. ഇടവകാംഗങ്ങളും കുടുംബങ്ങളും സുഹൃത്തുക്കളും ഉൾപ്പെടെ എല്ലാവരെയും ആഘോഷത്തിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു. വിശ്വാസത്തിലും പ്രാർത്ഥനയിലും ഒരുമിച്ച് ചേർന്ന് ഓണത്തിന്റെ സ്നേഹവും സൗഹൃദവും പങ്കുവയ്ക്കാൻ എല്ലാവരെയും ക്ഷണിച്ചിരിക്കുകയാണ് കോയമ്പത്തൂർ സെന്റ് മേരീസ് യാക്കോബായ സുറിയാനി ഓർത്തഡോക്സ് പള്ളി.

Comments (0)

Related Stories