‘ബേത്ത് ഹൂബോ’ സ്നേഹഭവനം; പുതിയ വീടിന്റെ താക്കോൽ കൈമാറി

കുവൈറ്റ് സെന്റ് മേരീസ് യാക്കോബായ സുറിയാനി പള്ളിയുടെ 25-ാം വാർഷികത്തോടനുബന്ധിച്ച് ആരംഭിച്ച ജീവകാരുണ്യ പ്രവർത്തനങ്ങളുടെ ഭാഗമായി നടപ്പാക്കുന്ന ‘ബേത്ത് ഹൂബോ’ സ്നേഹഭവനം പദ്ധതിയിൽ എറണാകുളം ജില്ലയിലെ സൗത്ത് വാഴക്കുളം സെന്റ് ജോർജ് യാക്കോബായ സുറിയാനി പള്ളിക്ക് സമീപം ശ്രീ. ബൈജുവിനും കുടുംബത്തിനുമായി നിർമിച്ച സ്നേഹഭവനത്തിന്റെ താക്കോൽ കൈമാറി.അങ്കമാലി ഭദ്രാസനം മെത്രാപ്പോലീത്ത അഭിവന്ദ്യ മാത്യൂസ് മോർ അന്തിമോസ് തിരുമേനിയുടെ തൃക്കൈകളാൽ സ്നേഹഭവനത്തിന്റെ താക്കോൽ കുടുംബത്തിന് കൈമാറി. കുവൈറ്റ് സെന്റ് മേരീസ് യാക്കോബായ സുറിയാനി പള്ളിയുടെ 25-ാം വാർഷികാഘോഷങ്ങളുടെ ഭാഗമായി സമൂഹത്തിലെ നിർധന കുടുംബങ്ങൾക്ക് കൈത്താങ്ങാകുകയെന്ന ലക്ഷ്യത്തോടെ ആരംഭിച്ച ജീവകാരുണ്യ പ്രവർത്തനങ്ങളുടെ ഭാഗമായാണ് പദ്ധതി നടപ്പാക്കിയത്. ഒരു കുടുംബത്തിന് സുരക്ഷിതമായ ഭവനം ഒരുക്കുന്നതിലൂടെ സഭയുടെ ജീവകാരുണ്യ പ്രവർത്തനങ്ങൾക്ക് പുതിയ മാതൃകയായി ‘ബേത്ത് ഹൂബോ’ സ്നേഹഭവനം മാറി.

Comments (0)

Related Stories