കോയമ്പത്തൂർ കണ്ണപ്പ നഗർ സെന്റ് മേരീസ് യാക്കോബായ സുറിയാനി ഓർത്തഡോക്സ് പള്ളിയിൽ വിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ

കോയമ്പത്തൂർ ● കണ്ണപ്പ നഗർ സെന്റ് മേരീസ് യാക്കോബായ സുറിയാനി ഓർത്തഡോക്സ് പള്ളിയിൽ വിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ ഓഗസ്റ്റ് 10 മുതൽ 15 വരെ വിവിധ ആത്മീയ ശുശ്രൂഷകളോടെ ആഘോഷിക്കും. പെരുന്നാളിനോടനുബന്ധിച്ച് ദിവസവും വിശുദ്ധ കുർബാന, സന്ധ്യാനമസ്കാരം, വചനശുശ്രൂഷ തുടങ്ങിയവ ക്രമീകരിച്ചിട്ടുണ്ട്.ഓഗസ്റ്റ് 9 ഞായറാഴ്ച വിശുദ്ധ കുർബാനയ്ക്ക് ശേഷം രാവിലെ 10.30ന് പെരുന്നാളിന് കൊടിയേറി. തുടർന്ന് പെരുന്നാൾ ദിവസങ്ങളിൽ രാവിലെ വിശുദ്ധ കുർബാനയും വൈകിട്ട് 7ന് സന്ധ്യാനമസ്കാരവും 8ന് സുവിശേഷ പ്രസംഗവും നടക്കും.ഓഗസ്റ്റ് 14 വെള്ളിയാഴ്ച വൈകിട്ട് 6ന് സന്ധ്യാ പ്രാർഥനയും 7ന് വചനസന്ദേശവും നടക്കും. രാത്രി 7.30ന് പരിശുദ്ധ സ്ലീബാ മോർ ഒസ്താത്തിയോസ് ബാവായുടെ തിരുശേഷിപ്പ് വണക്കവും തുടർന്ന് 7.45ന് പ്രദക്ഷിണവും നടക്കും.പെരുന്നാൾ സമാപന ദിവസമായ ഓഗസ്റ്റ് 15 ശനിയാഴ്ച രാവിലെ 7.30ന് പ്രഭാതപ്രാർഥനയും 8.30ന് വിശുദ്ധ മൂന്നിന്മേൽ കുർബാനയും നടക്കും. ഫാ. എമിൽ എലിയാസ് കുര്യൻ, അങ്കമാലി ഫാ. ജിജിൻ അബ്രഹാം, ഫാ. സിബി പോൾ കായനാട്ട് എന്നിവർ കാർമികത്വം വഹിക്കും.രാവിലെ 10.30ന് പത്താം ക്ലാസ്, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികളെ ആദരിക്കും. 10.45ന് പ്രദക്ഷിണവും 11ന് ആശീർവാദവും തുടർന്ന് ഉച്ചയ്ക്ക് 1ന് സ്നേഹവിരുന്നും വൈകിട്ട് 3ന് കൊടിയിറക്കവും നടക്കുന്നതോടെ പെരുന്നാൾ ശുശ്രൂഷകൾക്ക് സമാപനമാകും. പെരുന്നാളിനോടനുബന്ധിച്ചുള്ള വിശുദ്ധ കുർബാന, പ്രാർഥന, വചനശുശ്രൂഷ, തിരുശേഷിപ്പ് വണക്കം തുടങ്ങിയ ശുശ്രൂഷകളിൽ വിശ്വാസികൾ ഭക്തിപൂർവം പങ്കുചേർന്ന് അനുഗ്രഹം പ്രാപിക്കണമെന്ന് ഇടവക വികാരി ഫാ. ജിജു വർഗീസ് താണിക്കോട്ട്, സെക്രട്ടറി രാജൻ മണി. സി., ട്രസ്റ്റി ജീൻ കെ. ജോൺ എന്നിവർ അഭ്യർഥിച്ചു.

Comments (0)

Related Stories