കോപ്റ്റിക് സഭയുടെ ജനറൽ ബിഷപ്പ് യൂഹന്നാൻ കാലം ചെയ്തു

അമേരിക്ക ● കോപ്റ്റിക് ഓർത്തഡോക്സ് സഭയുടെ ജനറൽ ബിഷപ്പ് അഭിവന്ദ്യ യൂഹന്നാൻ ( 76 ) അമേരിക്കയിൽ കാലം ചെയ്തു. അഞ്ചു പതിറ്റാണ്ടിലേറെ സന്യാസജീവിതം നയിച്ച അദ്ദേഹം 35 വർഷത്തോളം ജനറൽ ബിഷപ്പായി സഭയെ ശുശ്രൂഷിച്ചു.പരിശുദ്ധ കോപ്റ്റിക് ഓർത്തഡോക്സ് സഭയുടെ പരിശുദ്ധ പാപ്പാ ഷെനൂദ മൂന്നാമന്റെ സെക്രട്ടറിയായും അദ്ദേഹം സേവനം ചെയ്തിരുന്നു. ആരോഗ്യപ്രശ്നങ്ങളെ തുടർന്ന് വർഷങ്ങളായി അമേരിക്കയിൽ ചികിത്സയിലായിരുന്നെങ്കിലും സഭാ ശുശ്രൂഷകൾ തുടർന്നിരുന്നു.അഭിവന്ദ്യ ബിഷപ്പ് യൂഹന്നാന്റെ വേർപാടിൽ സുറിയാനി ഓർത്തഡോക്സ് സഭ കോപ്റ്റിക് സഭയ്ക്കും സഭാ മേലധ്യക്ഷന്മാർക്കും വൈദികർക്കും സന്യാസിമാർക്കും വിശ്വാസികൾക്കും കുടുംബാംഗങ്ങൾക്കും സഭയുടെ പ്രാർഥനയും അനുശോചനവും അറിയിച്ചു. അദ്ദേഹത്തിന്റെ ആത്മാവിന് നിത്യശാന്തിയും ദുഃഖിതരായ എല്ലാവർക്കും ദൈവത്തിന്റെ ആശ്വാസവും ലഭിക്കട്ടെയെന്ന് സഭ പ്രാർഥിച്ചു.ആഗസ്റ്റ് 17 തിങ്കളാഴ്ച അമേരിക്കയിലെ മിനസോട്ടയിലെ കന്യകാമറിയം ദൈവാലയത്തിൽ സംസ്കാര ശുശ്രൂഷകൾ നടക്കും. രാവിലെ 8 മുതൽ 10 വരെ വിശുദ്ധ കുർബാനയും, തുടർന്ന് 10.30 മുതൽ ഉച്ചയ്ക്ക് 12 വരെ സംസ്കാര പ്രാർഥനയും നടക്കും.

Comments (0)

Related Stories