ബ്രസീലിലും തെക്കേ അമേരിക്കയിലും സുറിയാനി ഓർത്തഡോക്സ് സഭയ്ക്ക് പുതിയ ശെമ്മാശന്മാർ

ബ്രസീൽ ● ബ്രസീലിലും തെക്കേ അമേരിക്കയിലുമായി സുറിയാനി ഓർത്തഡോക്സ് സഭയുടെ സുവിശേഷ പ്രഘോഷണ ശുശ്രൂഷയ്ക്കും വിശുദ്ധ കൂദാശകളുടെ ശുശ്രൂഷയ്ക്കുമായി പുതിയ ശെമ്മാശന്മാർക്ക് പട്ടം നൽകി. തെക്കേ അമേരിക്കയിലെ സഭയുടെ പ്രേഷിത പ്രവർത്തനങ്ങളുടെ ആസ്ഥാനമായ കാരോസൂസാ പ്രഘോഷണ-സുവിശേഷ കത്തീഡ്രലിൽ നടന്ന ശുശ്രൂഷയിൽ അഭിവന്ദ്യ ഡോം പൗലോ ജോർജ് ഹന്നാ (മോർ പൗലോ തൂസാ) മെത്രാപ്പോലീത്ത കൈവയ്പ് നടത്തി.വെള്ളയും സ്വർണവർണവും കലർന്ന തിരുവസ്ത്രങ്ങളണിഞ്ഞ പുതിയ ശെമ്മാശന്മാർ വിശ്വാസിസമൂഹത്തിന്റെ സാന്നിധ്യത്തിൽ കൈവയ്പ് സ്വീകരിച്ചു. വിശുദ്ധ ശുശ്രൂഷയിൽ മെത്രാപ്പോലീത്തയുടെ നേതൃത്വത്തിൽ പുതിയ ശുശ്രൂഷകരെ സഭാ ശുശ്രൂഷയ്ക്കായി സമർപ്പിച്ചു.പരിശുദ്ധ പിതാവായ ദൈവത്തിന്റെ അനുഗ്രഹത്താൽ, കർത്താവായ യേശുക്രിസ്തുവിന്റെ രക്ഷാവചനത്തിന്റെ ശുശ്രൂഷയ്ക്കും സഭയുടെ വിശുദ്ധ കൂദാശകളുടെ ശുശ്രൂഷയ്ക്കുമായാണ് പുതിയ ശെമ്മാശന്മാരെ വേർതിരിച്ചതെന്ന് മോർ പൗലോ തൂസാ മെത്രാപ്പോലീത്ത അറിയിച്ചു. ബ്രസീലിലും തെക്കേ അമേരിക്കയിലുമായി സുറിയാനി ഓർത്തഡോക്സ് സഭയുടെ ഇടയ-പ്രേഷിത പ്രവർത്തനങ്ങൾ കൂടുതൽ ശക്തിപ്പെടുന്നതിന്റെ ഭാഗമായി പുതിയ ശെമ്മാശന്മാരുടെ പട്ടംകൊടിക്ക് പ്രത്യേക പ്രാധാന്യമുണ്ട്. സഭയുടെ സുവിശേഷ പ്രവർത്തനങ്ങൾക്കും ആരാധനാ ശുശ്രൂഷകൾക്കും പുതിയ ശുശ്രൂഷകർ കൂടുതൽ കരുത്തേകുമെന്നാണ് പ്രതീക്ഷിക്കുന്നത്.

Comments (0)

Related Stories