പിറമാടം പള്ളി പോലീസ് ഏറ്റെടുത്തെന്ന വ്യാജ പ്രചാരണം നടത്തി മെത്രാൻ കക്ഷികൾ

പിറമാടം (പിറവം) ● മലങ്കര യാക്കോബായ സുറിയാനി സഭയുടെ കണ്ടനാട് ഭദ്രാസനത്തിലെ പിറമാടം സെന്റ് ജോൺസ് ബെത്ലഹേം യാക്കോബായ സുറിയാനി പള്ളി പോലീസ് ഏറ്റെടുത്തെന്ന തരത്തിൽ സാമൂഹിക മാധ്യമങ്ങളിൽ മെത്രാൻകക്ഷികൾ പ്രചരിപ്പിക്കുന്ന വാർത്തകൾ അടിസ്ഥാനരഹിതവും വസ്തുതാവിരുദ്ധവുമാണെന്ന് യാക്കോബായ സഭാ വിശ്വാസികൾ വ്യക്തമാക്കി.പള്ളിയിൽ വിശുദ്ധ ആരാധന നടക്കുന്നതിനിടെ മെത്രാൻകക്ഷിയിലെ പുരോഹിത വേഷധാരി അതിക്രമിച്ചു കയറിയതിനെ തുർടർന്ന് ഉണ്ടായ സംഘർഷത്തെ തുടർന്ന് പോലീസ് സ്ഥലത്തെത്തിയതാണ് “പള്ളി പോലീസ് ഏറ്റെടുത്തു” എന്ന രീതിയിൽ പ്രചരിപ്പിക്കുന്നതിനു കാരണമായത്. ആരാധന തടസ്സപ്പെടുത്താൻ മെത്രാൻകക്ഷി വിഭാഗത്തിൽപ്പെട്ട പുരോഹിത വേഷധാരി പള്ളിക്കുള്ളിൽ പ്രവേശിക്കാൻ ശ്രമിച്ചതിനെ തുടർന്നാണ് സംഘർഷാവസ്ഥ ഉണ്ടായതെന്നാണ് യാക്കോബായ സഭാ വിശ്വാസികളുടെ വിശദീകരണം.സംഭവത്തെ തുടർന്ന് പള്ളിയിലും പരിസരത്തും പോലീസ് സാന്നിധ്യമുണ്ടായിരുന്നെങ്കിലും, പള്ളി പോലീസ് ഏറ്റെടുത്തിട്ടില്ലെന്നും നിലവിൽ പള്ളിയിൽ സമാധാനപരമായ അന്തരീക്ഷമാണ് നിലനിൽക്കുന്നതെന്നും വിശ്വാസികൾ അറിയിച്ചു. മെത്രാൻകക്ഷി വിഭാഗത്തിൽപ്പെട്ടവർ പള്ളിയുടെ ഗേറ്റിന് സമീപം നിലയുറപ്പിച്ചിരുന്നെങ്കിലും പിന്നീട് അവിടെനിന്ന് അവരെ നീക്കംചെയ്തു. സംഭവസമയത്ത് വിശ്വാസികൾക്ക് പിന്തുണയുമായി മലങ്കര യാക്കോബായ സുറിയാനി സഭയുടെയും അൽമായ ട്രസ്റ്റി കമാൻഡർ തമ്പു ജോർജ് തുകലൻ, വർക്കിംഗ് കമ്മിറ്റി അംഗം ജെയ്സ് ജോൺ, കണ്ടനാട് യൂത്ത് അസോസിയേഷൻ ഭാരവാഹികളായ ജിത്തു ജോർജ്, റോയൽ എൽദോ റോയ് തുടങ്ങിയവർ പള്ളിയിലെത്തിയിരുന്നു.പിറമാടം പള്ളി പോലീസ് ഏറ്റെടുത്തെന്ന തരത്തിലുള്ള പ്രചാരണങ്ങൾ വസ്തുതകളെ വളച്ചൊടിക്കുന്നതാണെന്നും, സംഭവവുമായി ബന്ധപ്പെട്ട യഥാർഥ വസ്തുതകൾ മനസ്സിലാക്കാതെ നടത്തുന്ന ഇത്തരം പ്രചാരണങ്ങളിൽ നിന്ന് ബന്ധപ്പെട്ടവർ പിന്മാറണമെന്നും യാക്കോബായ സഭാ വിശ്വാസികൾ ആവശ്യപ്പെട്ടു.

Comments (0)

Related Stories