‘ബേത് മൽഫോനെ’ ദേശീയ അധ്യാപക ക്യാംപിന് മണ്ണൂരിൽ തുടക്കം

പെരുമ്പാവൂർ ● മലങ്കര യാക്കോബായ സുറിയാനി സൺഡേ സ്കൂൾ അസോസിയേഷന്റെ (MJSSA) ആഭിമുഖ്യത്തിൽ സംഘടിപ്പിക്കുന്ന ദേശീയ അധ്യാപക നേതൃത്വ പരിശീലന ക്യാംപ് ‘ബേത് മൽഫോനെ’ മണ്ണൂർ സെന്റ് ജോർജ് ബെത്ലഹേം യാക്കോബായ സുറിയാനി പള്ളിയിൽ ആരംഭിച്ചു. ‘ഏതു കാര്യത്തിലും എല്ലാ സൽപ്രവൃത്തികളിലും നീ നിന്നെ തന്നെ മാതൃകയായി കാണിച്ചുകൊടുക്കണം’ (തീത്തോസ് 2:7) എന്ന ചിന്താവിഷയത്തെ ആസ്പദമാക്കിയാണ് ക്യാംപ്.MJSSA പ്രസിഡന്റ് അഭിവന്ദ്യ ഏലിയാസ് മോർ യൂലിയോസ് മെത്രാപ്പോലീത്തയുടെ അധ്യക്ഷതയിൽ ചേർന്ന സമ്മേളനം അഭിവന്ദ്യ മാത്യൂസ് മോർ അപ്രേം മെത്രാപ്പോലീത്ത ഉദ്ഘാടനം ചെയ്തു. അഭിവന്ദ്യ ഗബ്രിയേൽ മോർ ഗ്രിഗോറിയോസ് മെത്രാപ്പോലീത്ത അനുഗ്രഹപ്രഭാഷണം നടത്തി. വൈസ് പ്രസിഡന്റ് ഫാ. ഷിബിൻ പോൾ പതാക ഉയർത്തി.മണ്ണൂർ സെന്റ് ജോർജ് ബെത്ലഹേം പള്ളി വികാരി ഫാ. യോഹന്നാൻ കുന്നുംപുറം, MJSSA ജനറൽ സെക്രട്ടറി എൽദോ ഐസക്, സെക്രട്ടറിമാരായ പി.വി. ജേക്കബ്, അഡ്വ. പി.ഐ. കുര്യാക്കോസ്, അവിനേഷ് തണ്ടാശ്ശേരിൽ, ട്രഷറർ എം.കെ. വർഗീസ് തുടങ്ങിയവർ ചടങ്ങിൽ സന്നിഹിതരായി.പി.വി. ഏലിയാസ്, ഷെവ. ടി.ടി. ജോയി, പി.വൈ. ജോൺസൺ, സി.പി. ബെന്നി, തോമസ് പോൾ, പി.സി. ജോൺസൺ, സാജു മാത്യു, രാജു പി.വി., ജോയി വി. ജേക്കബ്, വിനോയി സ്കറിയ എന്നിവർ ആശംസകൾ അർപ്പിച്ചു. സൺഡേ സ്കൂൾ അധ്യാപകരുടെ നേതൃത്വപാടവവും വ്യക്തിത്വവും മെച്ചപ്പെടുത്തുന്നതിനും പുതുതലമുറയെ വിശ്വാസത്തിലും മൂല്യങ്ങളിലും വളർത്തുന്നതിന് ആവശ്യമായ പരിശീലനം നൽകുന്നതിനുമായി വിവിധ സെഷനുകളും ചർച്ചകളും ക്യാംപിന്റെ ഭാഗമായി നടക്കും. ഞായറാഴ്ച ക്യാംപ് സമാപിക്കും.

Comments (0)

Related Stories