ചെന്നിത്തല കബറടങ്ങിയിരിക്കുന്ന പരിശുദ്ധനായ റാബാൻ റമ്പാച്ചന്റെ 1121-ാം ഓർമ്മപ്പെരുന്നാൾ ഓഗസ്റ്റ് 7, 8 തീയതികളിൽ

ചെന്നിത്തല ● ചെന്നിത്തല സെന്റ് മേരീസ് യാക്കോബായ സുറിയാനി സിംഹാസന പള്ളിയിൽ കബറടങ്ങിയിരിക്കുന്ന പരിശുദ്ധനായ റാബാൻ റമ്പാച്ചന്റെ 1121-ാം ഓർമ്മപ്പെരുന്നാൾ ഓഗസ്റ്റ് 7, 8 തീയതികളിൽ ഭക്തിനിർഭരമായ ചടങ്ങുകളോടെ ആഘോഷിക്കും.ഓർമ്മപ്പെരുന്നാളിനോടനുബന്ധിച്ച് ഇടവകയിൽ വിപുലമായ ആത്മീയ ശുശ്രൂഷകളാണ് ക്രമീകരിച്ചിരിക്കുന്നത്. ഓഗസ്റ്റ് 7 വ്യാഴാഴ്ച വൈകിട്ട് 6.00-ന് സന്ധ്യാനമസ്കാരവും തുടർന്ന് 7.00-ന് വചനപ്രഘോഷണം ഫാ. ഷിജു കട്ടച്ചിറ.ഓഗസ്റ്റ് 8 വെള്ളിയാഴ്ച രാവിലെ 7.00-ന് പ്രഭാതനമസ്കാവും തുടർന്ന് രാവിലെ 8.00-ന് വിശുദ്ധ കുർബാന മാർക്കോസ് മോർ ക്രിസോസ്റ്റമോസ് മെത്രാപ്പോലീത്തയുടെ മുഖ്യകാർമികത്വത്തിൽ. വിശുദ്ധ കുർബാനയ്ക്ക് ശേഷം രാവിലെ 9.30-ന് കബറിങ്കൽ ധൂപപ്രാർത്ഥനയും നേർച്ചവിളമ്പും ഉണ്ടായിരിക്കും.ഓരോ വർഷവും കേരളത്തിന്റെ വിവിധ ഭാഗങ്ങളിൽ നിന്നെത്തുന്ന ആയിരക്കണക്കിന് വിശ്വാസികൾ റാബാൻ റമ്പാച്ചന്റെ കബറിങ്കൽ പ്രാർത്ഥിച്ച് അനുഗ്രഹം പ്രാപിക്കുന്ന ആത്മീയ കേന്ദ്രമാണ് ചെന്നിത്തല സെന്റ് മേരീസ് സിംഹാസന പള്ളി. ഇത്തവണത്തെ 1121-ാം ഓർമ്മപ്പെരുന്നാളിലും വിശ്വാസികളുടെ വലിയ പങ്കാളിത്തമാണ് പ്രതീക്ഷിക്കുന്നത്.പെരുന്നാൾ ശുശ്രൂഷകളിൽ എല്ലാ വിശ്വാസികളെയും ഭക്തിപൂർവം പങ്കുചേരാൻ ഇടവക വികാരി ഫാ. അഖിൽ മഞ്ഞിനിക്കരയും പെരുന്നാൾ കമ്മിറ്റി ഭാരവാഹികളും ക്ഷണിച്ചു.

Comments (0)

Related Stories