കാൽഗറി സെന്റ് തോമസ് യാക്കോബായ സുറിയാനി പള്ളിയിൽ ശ്രേഷ്ഠ കാതോലിക്ക ബാവയ്ക്ക് ഭക്തിനിർഭരമായ സ്വീകരണം

കാൽഗറി (കാനഡ) ● അമേരിക്ക - കാനഡ സന്ദർശനത്തിന്റെ ഭാഗമായി കാനഡയിലെ കാൽഗറി സെന്റ് തോമസ് യാക്കോബായ സുറിയാനി ഓർത്തഡോക്സ് ദൈവാലയം സന്ദർശിച്ച മലങ്കര യാക്കോബായ സുറിയാനി ഓർത്തഡോക്സ് സഭയുടെ ശ്രേഷ്ഠ കാതോലിക്കായും മലങ്കര മെത്രാപ്പോലീത്തയുമായ ആബൂൻ മോർ ബസേലിയോസ് ജോസഫ് ബാവയ്ക്ക് ഇടവകാംഗങ്ങൾ ഭക്തിനിർഭരമായ സ്വീകരണം നൽകി.ദൈവാലയത്തിലെത്തിയ ശ്രേഷ്ഠ ബാവയെ ഇടവക വികാരിയും വൈദികരും ശെമ്മാശന്മാരും ഇടവക ഭാരവാഹികളും സൺഡേ സ്കൂൾ വിദ്യാർത്ഥികളും യുവജനങ്ങളും വിശ്വാസിസമൂഹവും ചേർന്ന് പരമ്പരാഗത സുറിയാനി സഭാ ആചാരപ്രകാരം സ്വീകരിച്ചാനയിച്ചു.തുടർന്ന് ശ്രേഷ്ഠ കാതോലിക്ക ബാവയുടെ മുഖ്യകാർമികത്വത്തിൽ വിശുദ്ധ കുർബാന അർപ്പിച്ചു. വിശുദ്ധ കുർബാന മധ്യേ നടത്തിയ സന്ദേശത്തിൽ, വിശുദ്ധ അപ്പസ്തോലിക വിശ്വാസത്തിൽ ഉറച്ചുനിൽക്കുകയും സുറിയാനി ആത്മീയ പൈതൃകവും സഭയുടെ വിശ്വാസ പാരമ്പര്യവും പുതുതലമുറയ്ക്ക് കൈമാറുകയും ചെയ്യേണ്ടത് ഓരോ വിശ്വാസിയുടെയും ഉത്തരവാദിത്വമാണെന്ന് ബാവ ഓർമിപ്പിച്ചു. വിദേശരാജ്യങ്ങളിൽ ജീവിക്കുന്ന വിശ്വാസികൾ ദൈവാലയജീവിതത്തോടും ആരാധനയോടും ക്രൈസ്തവ കുടുംബമൂല്യങ്ങളോടും കൂടുതൽ ചേർന്നുനിൽക്കണമെന്നും അദ്ദേഹം ആഹ്വാനം ചെയ്തു.പശ്ചിമ കാനഡയിൽ യാക്കോബായ സുറിയാനി ഓർത്തഡോക്സ് സഭയുടെ ആത്മീയ സാന്നിധ്യം ശക്തിപ്പെടുത്തുന്നതിൽ കാൽഗറി ഇടവക വഹിക്കുന്ന പങ്കിനെ ശ്രേഷ്ഠ ബാവ അഭിനന്ദിക്കുകയും ഇടവകയുടെ ആത്മീയ വളർച്ചയ്ക്കും വിശ്വാസിസമൂഹത്തിന്റെ ക്ഷേമത്തിനും ലോകസമാധാനത്തിനുമായി പ്രത്യേക പ്രാർത്ഥന അർപ്പിക്കുകയും ചെയ്തു.വിശുദ്ധ കുർബാനയ്ക്ക് ശേഷം ഇടവകയുടെ പ്രതിനിധികൾ ശ്രേഷ്ഠ ബാവയെ ആദരിക്കുകയും ഈ ചരിത്രപ്രധാനമായ സന്ദർശനത്തിന് നന്ദി അറിയിക്കുകയും ചെയ്തു. തുടർന്ന് യുവജനങ്ങൾ, സൺഡേ സ്കൂൾ വിദ്യാർത്ഥികൾ, ഇടവക സംഘടനാ പ്രതിനിധികൾ, വിശ്വാസികൾ എന്നിവരുമായി ബാവ കൂടിക്കാഴ്ച നടത്തി ആശീർവാദം നൽകി. ശേഷം വൈദികർ, ശെമ്മാശന്മാർ, യുവജനങ്ങൾ, സൺഡേ സ്കൂൾ വിദ്യാർത്ഥികൾ, വിശ്വാസിസമൂഹം എന്നിവർക്കൊപ്പമുള്ള കൂട്ടായ ഫോട്ടോയും എടുത്തു. അമേരിക്ക-കാനഡ സന്ദർശനത്തിന്റെ ഭാഗമായി നടന്ന ഈ സന്ദർശനം കാൽഗറി ഇടവകയുടെ ചരിത്രത്തിലെ ശ്രദ്ധേയമായ ആത്മീയ നിമിഷമായി.

Comments (0)

Related Stories