യു.എ.ഇയിലെത്തുന്ന യുവജനങ്ങൾക്ക് കൈത്താങ്ങായി SOCYA ഹെൽപ്പ് ഡെസ്ക്; തൊഴിൽ, പഠനം, സഭാസംബന്ധമായ മാർഗനിർദേശങ്ങൾക്ക് സേവനം

ദുബായ് (യു.എ.ഇ.) ● തൊഴിൽ, ഉന്നതപഠനം, മറ്റ് ആവശ്യങ്ങൾ എന്നിവയ്ക്കായി യു.എ.ഇയിലെ വിവിധ എമിറേറ്റുകളിലേക്ക് എത്തുന്ന യുവതീ-യുവാക്കൾക്ക് ആവശ്യമായ മാർഗനിർദേശവും പിന്തുണയും നൽകുന്നതിനായി സിറിയൻ ഓർത്തഡോക്സ് ചർച്ച് യൂത്ത് അസോസിയേഷൻ – യു.എ.ഇ. (SOCYA) ഹെൽപ്പ് ഡെസ്ക് സേവനം കൂടുതൽ വിപുലപ്പെടുത്തുന്നു.2024-ൽ ആരംഭിച്ച ഹെൽപ്പ് ഡെസ്ക് പദ്ധതിയെ കൂടുതൽ ഫലപ്രദമാക്കുന്നതിന്റെ ഭാഗമായി, പുതുതായി യു.എ.ഇയിലെത്തുന്ന യുവജനങ്ങളെ യാക്കോബായ സുറിയാനി സഭയുടെ പ്രാദേശിക ദൈവാലയങ്ങളുമായും ആത്മീയ-യുവജന പ്രവർത്തനങ്ങളുമായും ബന്ധിപ്പിക്കുന്നതിനാണ് പ്രത്യേക ഊന്നൽ നൽകുന്നത്.തൊഴിൽ, പഠനം, താമസം, സഭാ ബന്ധങ്ങൾ എന്നിവയുമായി ബന്ധപ്പെട്ട പ്രാഥമിക വിവരങ്ങളും ആവശ്യമായ മാർഗനിർദേശങ്ങളും ഹെൽപ്പ് ഡെസ്കിലൂടെ ലഭ്യമാക്കും. യു.എ.ഇയിലെ വിവിധ എമിറേറ്റുകളിൽ എത്തുന്ന യുവജനങ്ങൾക്ക് വിശ്വാസസമൂഹവുമായി ബന്ധപ്പെടാനും ആത്മീയ ജീവിതത്തിൽ സജീവമാകാനും ഈ സംരംഭം സഹായകരമാകുമെന്ന് സംഘാടകർ അറിയിച്ചു.ഈ പദ്ധതിയുടെ ഭാഗമായി സഭ, ഭദ്രാസനം, ഇടവക, യുവജനസംഘടനകൾ എന്നിവയുടെ ഓൺലൈൻ പ്ലാറ്റ്ഫോമുകളിലൂടെ ഹെൽപ്പ് ഡെസ്ക് വിവരങ്ങൾ വ്യാപകമായി പ്രചരിപ്പിക്കുമെന്ന് SOCYA നേതൃത്വം അറിയിച്ചു. ഇടവകകൾ, യുവജന കൂട്ടായ്മകൾ, കുടുംബ യൂണിറ്റുകൾ എന്നിവയുടെ വാട്സ്ആപ്പ് ഗ്രൂപ്പുകളിലും മറ്റ് സാമൂഹികമാധ്യമങ്ങളിലുമായി ഹെൽപ്പ് ഡെസ്ക് പോസ്റ്റർ പങ്കുവെച്ച് ഈ സംരംഭം കൂടുതൽ പേരിലേക്ക് എത്തിക്കണമെന്ന് സെക്രട്ടറി അഭ്യർഥിച്ചു.ഹെൽപ്പ് ഡെസ്കുമായി താഴെപ്പറയുന്ന മാർഗങ്ങളിലൂടെ ബന്ധപ്പെടാം: Email: helpdesk.socyauae@gmail.com ഫോൺ: +971 52 355 1432 (Sherin K Eldho) +971 55 664 4089 (Basil Varghese) +971 55 179 7339 (Biju N Raju) പദ്ധതിക്ക് പാത്രിയർക്കൽ വികാരിയും SOCYA യു.എ.ഇ. പ്രസിഡന്റുമായ കുര്യാക്കോസ് മോർ യൂസേബിയോസ് മെത്രാപ്പോലീത്തയുടെ അനുഗ്രഹവും നേതൃത്വവും ലഭ്യമാണെന്ന് അധികൃതർ അറിയിച്ചു. SOCYA യു.എ.ഇ. വൈസ് പ്രസിഡന്റ് ഫാ. ബെൻസൺ ബേബി ഉൾപ്പെടെയുള്ള ഭാരവാഹികൾ പദ്ധതിയുടെ ഏകോപനത്തിന് നേതൃത്വം നൽകുന്നു. യു.എ.ഇയിലെത്തുന്ന യുവജനങ്ങൾക്ക് ആത്മീയമായും സാമൂഹികമായും വിശ്വാസപരമായും ഒരു സുരക്ഷിത പിന്തുണാ ശൃംഖല ഒരുക്കുക എന്ന ലക്ഷ്യത്തോടെയാണ് ഈ ഹെൽപ്പ് ഡെസ്ക് പ്രവർത്തനം മുന്നോട്ട് കൊണ്ടുപോകുന്നത്.

Comments (0)

Related Stories