മർത്തമറിയം വനിതാസമാജം വൈസ് പ്രസിഡന്റായി ഫാ. പൗലോസ് പി. ഒ. പള്ളത്തുകുടിയെ നിയമിച്ചു

പുത്തൻകുരിശ് ● അഖില മലങ്കര മർത്തമറിയം വനിതാസമാജം പ്രസിഡന്റും തൂത്തൂട്ടി മോർ ഗ്രിഗോറിയൻ ധ്യാനകേന്ദ്രം ഡയറക്ടറും മലങ്കര യാക്കോബായ സുറിയാനി ഓർത്തഡോക്സ് സഭയുടെ ഇടുക്കി ഭദ്രാസനാധിപനുമായ അഭിവന്ദ്യ സഖറിയാസ് മോർ പീലക്സിനോസ് മെത്രാപ്പോലീത്ത, അങ്കമാലി ഭദ്രാസനത്തിലെ പെരുമ്പാവൂർ മേഖലയിലെ റവ. ഫാ. പൗലോസ് പി. ഒ. പള്ളത്തുകുടിയെ അഖില മലങ്കര മർത്തമറിയം വനിതാസമാജത്തിന്റെ വൈസ് പ്രസിഡന്റായി നിയമിച്ചു. സഭയുടെ വനിതാ ശുശ്രൂഷാ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനും ഭദ്രാസനങ്ങളിലെ പ്രവർത്തനങ്ങൾ ഏകോപിപ്പിക്കുന്നതിനുമായാണ് നിയമനം. അങ്കമാലി ഭദ്രാസനത്തിൽ വൈദിക ശുശ്രൂഷയിലും സംഘടനാപര പ്രവർത്തനങ്ങളിലും സജീവ സാന്നിധ്യമായ ഫാ. പൗലോസ് പി. ഒ. പള്ളത്തുകുടിയുടെ സേവനപരിചയവും നേതൃത്വപാടവവും വനിതാസമാജത്തിന്റെ പ്രവർത്തനങ്ങൾക്ക് കൂടുതൽ കരുത്തേകുമെന്നാണ് കരുതുന്നത്. റവ. ഫാ. പൗലോസ് പി. ഒ. പള്ളത്തുകുടിയുടെ പുതിയ ഉത്തരവാദിത്വത്തിന് Jacobite Online Team എല്ലാ ആശംസകളും നേരുന്നു.

Comments (0)

Related Stories