വെല്ലൂർ സി.എം.സി പി.ജി. പ്രവേശനം: യാക്കോബായ സഭയുടെ സ്‌പോൺസർഷിപ്പിന് അപേക്ഷ ക്ഷണിച്ചു

കോട്ടയം: വെല്ലൂർ ക്രിസ്ത്യൻ മെഡിക്കൽ കോളേജിലെ (CMC Vellore) 2026-ലെ പി.ജി. ഡിഗ്രി, പി.ജി. മെഡിക്കൽ കോഴ്സുകളിലേക്കുള്ള പ്രവേശനത്തിനായി മലങ്കര യാക്കോബായ സുറിയാനി ഓർത്തഡോക്സ് സഭയുടെ സ്പോൺസർഷിപ്പിന് അർഹരായ ഉദ്യോഗാർഥികളിൽ നിന്ന് അപേക്ഷ ക്ഷണിച്ചു.സ്പോൺസർഷിപ്പ് ബോഡി പുറത്തിറക്കിയ അറിയിപ്പിൽ, അപേക്ഷകർ സഭയുടെ വെബ്സൈറ്റായ www.jacobitesponsorship.com വഴി അപേക്ഷാ ഫോം ഡൗൺലോഡ് ചെയ്ത് 2026 ജൂലൈ 31-നകം പൂരിപ്പിച്ച അപേക്ഷ ആവശ്യമായ രേഖകൾ സഹിതം സമർപ്പിക്കണമെന്ന് അറിയിച്ചു. അപേക്ഷകൾ സിറിയൻ ഓർത്തഡോക്സ് ക്രിസ്ത്യൻ സെന്റർ, കഞ്ഞിക്കുഴി, മുട്ടമ്പലം പി.ഒ., കോട്ടയം – 686004 എന്ന വിലാസത്തിലേക്കാണ് അയയ്ക്കേണ്ടത്.സ്പോൺസർഷിപ്പിനായുള്ള അഭിമുഖം 2026 ആഗസ്റ്റ് 9-ന് ഉച്ചകഴിഞ്ഞ് 3.00 മണിക്ക് കോട്ടയം മുട്ടമ്പലത്തെ സിറിയൻ ഓർത്തഡോക്സ് ക്രിസ്ത്യൻ സെന്ററിൽ നടക്കും. അഭിമുഖത്തിൽ പങ്കെടുക്കുന്നതിനുള്ള വിശദവിവരങ്ങൾ പിന്നീട് അറിയിക്കുമെന്നും സ്പോൺസർഷിപ്പ് ബോഡി അറിയിച്ചു.കൂടുതൽ വിവരങ്ങൾക്ക് 94470 58292 എന്ന ഫോൺ നമ്പരിൽ ബന്ധപ്പെടാവുന്നതാണ്. സി.എം.സി വെല്ലൂരിലെ വിവിധ പി.ജി. കോഴ്സുകളിലേക്കുള്ള ഔദ്യോഗിക പ്രവേശന വിവരങ്ങൾ http://admissions.cmcvellore.ac.in എന്ന വെബ്സൈറ്റിലും ലഭ്യമാണ്.

Comments (0)

Related Stories