മലങ്കര സഭാ തർക്കത്തിന് ശാശ്വത പരിഹാരം കാണുക സർക്കാരിന്റെ ലക്ഷ്യം; ഇന്ന് മുഖ്യമന്ത്രി നടത്തിയ പ്രസംഗം

മലങ്കര സഭാ തർക്കം എല്ലാവർക്കും സ്വീകാര്യമായ രീതിയിൽ പരിഹരിക്കുകയാണ് സംസ്ഥാന സർക്കാരിന്റെ ആഗ്രഹമെന്ന് മുഖ്യമന്ത്രി വി.ഡി. സതീശൻ പറഞ്ഞു. ആർക്കും അഭിമാനപ്രശ്നം ഉണ്ടാകാത്ത വിധത്തിൽ പ്രശ്നത്തിന് പരിഹാരം കാണാൻ കഴിയണമെന്നാണ് സർക്കാർ ആഗ്രഹിക്കുന്നതെന്നും, അതിനായി സർക്കാർ മുൻകൈയെടുക്കുമെന്നും അദ്ദേഹം വ്യക്തമാക്കി. മലങ്കര യാക്കോബായ സുറിയാനി ഓർത്തഡോക്സ് സഭയുടെ തിരുവനന്തപുരം ഭദ്രാസനത്തിന്റെ പ്രഥമ മെത്രാപ്പോലീത്തയായി ഡോ. കുര്യാക്കോസ് മോർ തെയോഫിലോസ് മെത്രാപ്പോലീത്തയുടെ സ്ഥാനാരോഹണത്തോടനുബന്ധിച്ച് നടന്ന സംസാരിക്കുകയായിരുന്നു മുഖ്യമന്ത്രി. സഭാ തർക്കം പരിഹരിക്കപ്പെടുക എന്നത് തന്റെ സ്വപ്നങ്ങളിൽ ഒന്നാണെന്നും, പരസ്പര ബഹുമാനവും സഹകരണവും നിലനിർത്തി എല്ലാവർക്കും അംഗീകരിക്കാവുന്ന പരിഹാരത്തിലേക്ക് എത്താൻ സർക്കാർ ആത്മാർത്ഥമായി ശ്രമിക്കുമെന്നും അദ്ദേഹം പറഞ്ഞു. ആയതിനു മലങ്കര സുറിയാനി കത്തോലിക്കാ സഭയുടെ തലവൻ കർദിനാൾ ബസേലിയോസ് ക്ലീമിസ് കാതോലിക്കാ ബാവയുടെ പൂർണ്ണ പിന്തുണയും അദ്ദേഹം അഭ്യർത്ഥിച്ചു. ഇന്ന് മുഖ്യമന്ത്രി നടത്തിയ പ്രസംഗം " എല്ലാ ദൈവാനുഗ്രഹങ്ങളും ഉണ്ടാകട്ടെ , നമ്മൾ എല്ലാം പ്രത്യാശയോടെ ജീവിക്കുന്ന ആളുകളാണ് പ്രത്യാശയുള്ളവർ ആയിരിക്കണം എന്ന് വേദപുസ്തകം നമ്മളെ ഓർമ്മിപ്പിക്കുന്നു കാരണം വാഗ്ദാനം തന്നിരിക്കുന്ന ആൾ വിശ്വസ്തനാണ് അതുകൊണ്ട് തളർന്നു പോകാതെ ഏതു പ്രതിസന്ധി വന്നാലും അതിനെ മറികടക്കാൻ ഉള്ള ശക്തിയായി അവൻ തൊട്ടുവലതുഭാഗത്തുണ്ട് എന്നആത്മവിശ്വാസത്തോടെ മുന്നോട്ടു നീങ്ങണം അതിന് സഭയ്ക്ക് എല്ലാ പിന്തുണയും സർക്കാരിന്റെ ഭാഗത്തുനിന്നും മറ്റു ഭാഗങ്ങളിൽ നിന്നുമുണ്ടാകും.എനിക്ക് വലിയൊരു ആഗ്രഹവും വലിയൊരു സ്വപ്നവും കൂടി ഉണ്ട്, അത് ഞാൻ ക്ലീമിസ് ബാവ തിരുമേനിയോട് പങ്കുവെച്ചിട്ടുണ്ട്, വർഷങ്ങളായി, ദശകങ്ങളായി നിൽക്കുന്ന സഭ പ്രശ്നങ്ങൾ പരിഹരിക്കാൻ വേണ്ടി സർക്കാരിന് എന്തെല്ലാം ചെയ്യാൻ കഴിയുമോ, അതിന്റെ ഏറ്റവും അറ്റത്തുപോയി ചെയ്യും, അത് എന്റെ ഒരു സ്വപ്നം കൂടി ആണ്, ഈ സർക്കാരിന്റെ സമയത് ഈ സഭാ തർക്കത്തിന് ശാശ്വതമായ ഒരു പരിഹാരം ഉണ്ടാകണം എന്ന് ആഗ്രഹിക്കുന്നു, ഞാൻ അതിന് എല്ലാവരുടെയും സഹായവും സഹകരണവും ഞാൻ അഭ്യർത്ഥിക്കുന്നു, എല്ലാവരും ഒരുമിച്ചു നിന്നുകൊണ്ട് ആർക്കും ഒരു അഭിമാനക്ഷതം ഉണ്ടാകാതെ സഭാതർക്കങ്ങൾക്ക് ശാശ്വതമായ പരിഹാരം ഉണ്ടായാൽ ഇപ്പോൾ ചിലവഴിക്കുന്ന കൂടുതൽ സമയം മറ്റ് കാരുണ്യ പ്രവർത്തനങ്ങൾക്കും ഒരുപാടു നല്ല കാര്യങ്ങൾക്കും നന്മക്കൾക്കും വേണ്ടി പ്രവർത്തിക്കാൻ ഉള്ള സമയവും, ധനലാഭവും സമയലാഭവും തീർച്ചയായും ഉണ്ടാകും, അത് ഞങ്ങൾക്ക് ഉറപ്പുണ്ട്, അതിനു ഞങ്ങളെ സഹായിക്കാൻ അഭിവന്ദ്യനായ ക്ളീമിസ് ബാവ തിരുമേനി കൂടെ നമ്മോടു കൂടെ ഉണ്ടാകും, അത് ഞാൻ അദ്ദേഹത്തോട് പ്രത്യേകമായി അഭ്യർത്ഥിച്ചിട്ടുണ്ട് അത് അദ്ദേഹം എനിക്ക് ഉറപ്പ് തന്നിട്ടുണ്ട്. അതുകുടെ തീർക്കാൻ കഴിയും എന്നുള്ള ആത്മവിശ്വാസം ഞാൻ ഇവിടെ പ്രകടിപ്പിക്കുന്നു എല്ലാ നന്മകളും നേരുന്നു.

Comments (0)

Related Stories