ഇ.എ.ഇ മലബാർ മേഖലയ്ക്ക് പുതിയ നേതൃത്വം; 2026–2027 പ്രവർത്തന വർഷത്തെ ഭാരവാഹികളെ തെരഞ്ഞെടുത്തു

പരിയാരം ● മലങ്കര യാക്കോബായ സുറിയാനി ഓർത്തഡോക്സ് സഭയുടെ സുവിശേഷ സംഘടനയായ ഇവാഞ്ചലിസ്റ്റിക് അസോസിയേഷൻ ഓഫ് ദി ഈസ്റ്റ് (EAE) മലബാർ മേഖലയുടെ 2026–2027 പ്രവർത്തന വർഷത്തേക്കുള്ള പുതിയ ഭാരവാഹികളെ തെരഞ്ഞെടുത്ത ജനറൽ ബോഡി യോഗം പരിയാരത്ത് നടന്നു. സംഘടനയുടെ പ്രസിഡന്റും മെത്രാപ്പോലീത്തയുമായ അഭിവന്ദ്യ മോർ ക്രിസോസ്റ്റോമോസ് മാർക്കോസ് മെത്രാപ്പോലീത്തയുടെ അധ്യക്ഷതയിൽ ചേർന്ന യോഗത്തിൽ സംഘടനയുടെ പ്രവർത്തനങ്ങൾ വിലയിരുത്തുകയും പുതിയ ഭരണസമിതിയെ ഏകകണ്ഠമായി തെരഞ്ഞെടുക്കുകയും ചെയ്തു. യോഗത്തിൽ ഇ.എ.ഇ വൈസ് പ്രസിഡന്റ് വെരി. റവ. പൗലോസ് പാറേക്കര കോർ-എപ്പിസ്കോപ്പ, ജനറൽ സെക്രട്ടറി റവ. ഫാ. തങ്കച്ചൻ വർഗീസ് വെള്ളാപ്പാക്കുഴിയിൽ, ട്രഷറർ മനോജ് വർഗീസ്, കർണാടക മേഖല അഡ്മിനിസ്ട്രേറ്റർ വെരി. റവ. ദയറോയോ ഗീവർഗീസ് എന്നിവർ പങ്കെടുത്തു. പുതിയ ഭാരവാഹികളായി വെരി. റവ. ദയറോയോ മാത്യു മേഖല അഡ്മിനിസ്ട്രേറ്ററായും, റവ. ഫാ. ബിനു ജോസഫ് താനങ്ങുംപൊതിക്കൽ മേഖല സെക്രട്ടറിയായും, രാജു പൗലോസ് പാറേക്കാട്ടിൽ മേഖല ട്രഷററായും തെരഞ്ഞെടുക്കപ്പെട്ടു. കൂടാതെ റവ. ഫാ. എൽദോ പൗലോസ് കാട്ടുകുടിയെ മേഖല ക്ലർജി സെക്രട്ടറിയായും, റവ. ഫാ. സഖറിയ പുത്തൻപുരയ്ക്കൽയെ മേഖല യൂത്ത് അസോസിയേഷൻ വൈസ് പ്രസിഡന്റായും, **റവ. ഫാ. പൗലോസ് എം. സി.**യെ മേഖല വനിതാ സമാജം വൈസ് പ്രസിഡന്റായും തെരഞ്ഞെടുത്തു. മാത്യു എം. എ. മുണ്ടിയാക്കൽ, സാബു വർഗീസ് ഇട്ടിയടത്ത് എന്നിവരെ മേഖല ഓഡിറ്റർമാരായി ജനറൽ ബോഡി യോഗം തിരഞ്ഞെടുത്തു. പുതിയ ഭാരവാഹികളുടെ നേതൃത്വത്തിൽ മലബാർ മേഖലയിലെ സുവിശേഷ പ്രവർത്തനങ്ങളും ആത്മീയ ശുശ്രൂഷകളും കൂടുതൽ ശക്തിപ്പെടുത്തുന്നതിനും സഭയുടെ മിഷൻ പ്രവർത്തനങ്ങൾ വ്യാപിപ്പിക്കുന്നതിനുമുള്ള വിവിധ പദ്ധതികൾ നടപ്പാക്കുമെന്ന് യോഗത്തിൽ പ്രത്യാശ പ്രകടിപ്പിച്ചു.

Comments (0)

Related Stories