EAE എൻ.ആർ. പുര മേഖല ജനറൽ ബോഡി യോഗം; പുതിയ ഭാരവാഹികളെ തിരഞ്ഞെടുത്തു

എൻ.ആർ. പുര ● ഇവാഞ്ചലിസ്റ്റിക് അസോസിയേഷൻ ഓഫ് ദി ഈസ്റ്റ് (EAE) എൻ.ആർ. പുര മേഖലയുടെ ജനറൽ ബോഡി യോഗം സെന്റ് ജോർജ് യാക്കോബായ സുറിയാനി ഓർത്തഡോക്സ് കത്തീഡ്രലിൽ ചേർന്നു. ഇ.എ.ഇ അതിഭദ്രാസന പ്രസിഡന്റും മെത്രാപ്പോലീത്തയുമായ അഭിവന്ദ്യ മോർ ക്രിസോസ്റ്റമോസ് മാർക്കോസ് മെത്രാപ്പോലീത്തയുടെ അധ്യക്ഷതയിൽ നടന്ന യോഗത്തിൽ പുതിയ മേഖലാ മാനേജിങ് കമ്മിറ്റിയെയും ഭാരവാഹികളെയും തെരഞ്ഞെടുത്തു. യോഗത്തിൽ ഇ.എ.ഇയുടെ വൈസ് പ്രസിഡന്റ് വെരി. റവ. പൗലോസ് പാറേക്കര കോർ എപ്പിസ്കോപ്പ, ജനറൽ സെക്രട്ടറി റവ. ഫാ. തങ്കച്ചൻ വർഗീസ് വെള്ളപ്പാക്കുഴിയിൽ, ട്രഷറർ ശ്രീ മനോജ് വർഗീസ് കുന്നത്ത് എന്നിവർ പങ്കെടുത്തു. സംഘടനയുടെ പ്രവർത്തനങ്ങൾ വിലയിരുത്തുകയും വരും വർഷങ്ങളിലെ സുവിശേഷ പ്രവർത്തനങ്ങൾ, മിഷൻ പദ്ധതികൾ, ഭരണകാര്യങ്ങൾ എന്നിവ സംബന്ധിച്ച് വിശദമായ ചർച്ചകൾ നടത്തുകയും ചെയ്തു. തുടർന്ന് നടന്ന തിരഞ്ഞെടുപ്പിൽ വെരി. റവ. ഗീവർഗീസ് റമ്പാൻ കുട്ടിപ്പുഴയിൽ മേഖലാ അഡ്മിനിസ്ട്രേറ്ററായും, റവ. ഫാ. റെജി ജോൺ മരിയേൽ മേഖലാ സെക്രട്ടറിയായും, റവ. ഫാ. സോജൻ ജെയിംസ് വൈദിക സെക്രട്ടറിയായും, ശ്രീ എൽദോ കിള്ത്തട്ടിൽ മേഖലാ ട്രഷററായും തെരഞ്ഞെടുക്കപ്പെട്ടു. യുവജന വിഭാഗത്തിന്റെ മേഖലാ വൈസ് പ്രസിഡന്റായി റവ. ഫാ. ഷാനോജ് തോമസ് പാലയിൽ, വനിതാ സമാജം മേഖലാ വൈസ് പ്രസിഡന്റായി റവ. ഫാ. റെജി ജോൺ മരിയേൽ എന്നിവരെയും തിരഞ്ഞെടുത്തു. ശ്രീ കെ. വി. പൗലോസ്, ശ്രീ ബിനോയ് എം. പി. എന്നിവർ ഓഡിറ്റർമാരായി തെരഞ്ഞെടുക്കപ്പെട്ടു. പുതുതായി തിരഞ്ഞെടുക്കപ്പെട്ട ഭാരവാഹികൾക്ക് അഭിവന്ദ്യ മോർ ക്രിസോസ്റ്റമോസ് മാർക്കോസ് മെത്രാപ്പോലീത്ത ആശീർവാദം നേർന്നു. സുവിശേഷ ദൗത്യത്തിലും ആത്മീയ പ്രവർത്തനങ്ങളിലും സംഘടനയുടെ സേവന പ്രവർത്തനങ്ങളിലും പുതിയ നേതൃത്വം കൂടുതൽ സമർപ്പണത്തോടെയും ആത്മാർത്ഥതയോടെയും പ്രവർത്തിക്കട്ടെയെന്ന് അദ്ദേഹം ആശംസിച്ചു. പ്രാർത്ഥനയോടെ ജനറൽ ബോഡി യോഗം സമാപിച്ച്ചു.

Comments (0)

Related Stories