കമാൻഡർ ടി.യു. കുരുവിളയുടെ 40-ാം ചരമവാർഷികം ആചരിച്ചു

പുത്തൻകുരിശ് ● മലങ്കര യാക്കോബായ സുറിയാനി ഓർത്തഡോക്സ് സഭയുടെ മുൻ ട്രസ്റ്റിയും മുൻ മന്ത്രിയുമായിരുന്ന കമാൻഡർ ടി.യു. കുരുവിളയുടെ 40-ാം ചരമവാർഷികം പ്രാർത്ഥനാഭരിതമായ ചടങ്ങുകളോടെ ആചരിച്ചു. ചരമവാർഷികത്തോടനുബന്ധിച്ച് അർപ്പിക്കപ്പെട്ട വിശുദ്ധ കുർബാനയ്ക്കുശേഷം, സഭയിലെ അഭിവന്ദ്യ മെത്രാപ്പോലീത്തമാരുടെയും വൈദികരുടെയും സാന്നിധ്യത്തിൽ കമാൻഡർ ടി.യു. കുരുവിളയുടെ കബറിടത്തിൽ ധൂപപ്രാർത്ഥന നടത്തി. സഭയുടെ ഭരണരംഗത്തും പൊതുജീവിതത്തിലും ശ്രദ്ധേയമായ സേവനം കാഴ്ചവച്ച കമാൻഡർ ടി.യു. കുരുവിളയുടെ സമർപ്പിത നേതൃത്വവും സഭയോടുള്ള അചഞ്ചലമായ പ്രതിബദ്ധതയും വന്ന്ചേർന്നവർ അനുസ്മരിച്ചു. സഭയുടെ വളർച്ചയ്ക്കും സംഘടനാ ശക്തിപ്പെടുത്തലിനും അദ്ദേഹം നൽകിയ സംഭാവനകൾ ഇന്നും സ്മരിക്കപ്പെടുന്നതാണ്. പ്രാർത്ഥനാ ശുശ്രൂഷയിൽ സഭയിലെ അഭിവന്ദ്യ മെത്രാപ്പോലീത്തമാർ, വൈദികർ, കുടുംബാംഗങ്ങൾ, സഭാ ഭാരവാഹികൾ, വിശ്വാസികൾ എന്നിവർ പങ്കെടുത്തു. കമാൻഡർ ടി.യു. കുരുവിളയുടെ ധന്യസ്മരണ സഭയുടെ ചരിത്രത്തിൽ എന്നും നിലനിൽക്കുമെന്നും അദ്ദേഹത്തിന്റെ മാതൃകാപരമായ സേവനജീവിതം വരുംതലമുറകൾക്ക് പ്രചോദനമാകട്ടെയെന്നും പ്രാർത്ഥിക്കുന്നു.

Comments (0)

Related Stories