എം.ജെ.എസ്.എസ്.എ. പാമ്പാടി ഡിസ്ട്രിക്ട് അദ്ധ്യാപക സെമിനാറും വാർഷിക സമ്മേളനവും ജൂലൈ 5-ന്; 'ഡിലൈറ്റ് 2026'ന് പങ്ങട സെന്റ് മേരീസ് പള്ളി വേദിയാകും

പങ്ങട ● മലങ്കര യാക്കോബായ സുറിയാനി ഓർത്തഡോക്സ് സഭയുടെ സണ്ടേ സ്കൂൾ അസോസിയേഷൻ (MJSSA) പാമ്പാടി ഡിസ്ട്രിക്ടിന്റെ അദ്ധ്യാപക സെമിനാറും വാർഷിക സമ്മേളനവും 'ഡിലൈറ്റ് 2026' എന്ന പേരിൽ ജൂലൈ 5 ഞായറാഴ്ച ഉച്ചയ്ക്ക് 1.30 മുതൽ പങ്ങട സെന്റ് മേരീസ് യാക്കോബായ സുറിയാനി പള്ളിയിൽ നടക്കും. പള്ളി വികാരി റവ. ഫാ. ജേക്കബ് ചെറിയാൻ മണ്ണൂരിന്റെ അധ്യക്ഷതയിൽ ചേരുന്ന സമ്മേളനം എം.ജെ.എസ്.എസ്.എ. ജനറൽ സെക്രട്ടറി ശ്രീ. എൽദോ ഐസക് ഉദ്ഘാടനം ചെയ്യും. ആത്മീയ വളർച്ചയ്ക്കും സണ്ടേ സ്കൂൾ അധ്യാപകരുടെ ശുശ്രൂഷാ മികവ് വർധിപ്പിക്കുന്നതിനുമായി സംഘടിപ്പിക്കുന്ന സെമിനാറിന് മഞ്ഞിനിക്കര ദയറായിലെ വന്ദ്യ ബേസിൽ റമ്പാൻ നേതൃത്വം നൽകും. ഉദ്ഘാടന സമ്മേളനത്തിൽ ഡിസ്ട്രിക്ട് ഇൻസ്പെക്ടർ ശ്രീ. മാത്യു വർഗീസ് തിടുത്തിൽപ്പറമ്പിൽ സ്വാഗതം ആശംസിക്കും. ഡിസ്ട്രിക്ട് സെക്രട്ടറി ശ്രീ. രാജൻ ജോർജ് മുണ്ടക്കുറ്റം റിപ്പോർട്ട് അവതരിപ്പിക്കും. റവ. ഫാ. ജേക്കബ് ചെറിയാൻ മണ്ണൂർ അധ്യക്ഷത വഹിക്കുന്ന സമ്മേളനത്തിൽ എം.ജെ.എസ്.എസ്.എ. ജനറൽ സെക്രട്ടറി ശ്രീ. എൽദോ ഐസക് ഉദ്ഘാടന പ്രസംഗം നിർവഹിക്കും. തുടർന്ന് വിദ്യാർത്ഥിനി കുമാരി അന്ന സി. ചാക്കോ സംഗീതം അവതരിപ്പിക്കും. അനുഗ്രഹ പ്രഭാഷണം വെരി. റവ. മാത്യൂസ് കാവുങ്കൽ കോർ എപ്പിസ്കോപ്പ നിർവഹിക്കും. ഡിസ്ട്രിക്ട് യൂത്ത് മൂവ്മെന്റ് ഡയറക്ടർ ശ്രീ. അവിനേഷ് തണ്ടാശേരിൽ മുഖ്യപ്രഭാഷണം നടത്തും. സെന്റ് മേരീസ് സണ്ടേ സ്കൂൾ പങ്ങടയുടെ നേതൃത്വത്തിൽ അധ്യാപകർ കലാപരിപാടികൾ അവതരിപ്പിക്കും. സമ്മേളനത്തിൽ 2026-ലെ എം.ജെ.എസ്.എസ്.എ. പരീക്ഷകളിൽ ജില്ലാതലത്തിലും അസോസിയേഷൻ തലത്തിലും മികച്ച വിജയം നേടിയ വിദ്യാർത്ഥികളെയും, മികവ് 2026, ആത്മദീപം ചിത്രരചന മത്സരം, കലാതിലകം, റാങ്ക് ജേതാക്കൾ എന്നിവരെയും ആദരിക്കും. വിവിധ വിഭാഗങ്ങളിലായി വ്യക്തിഗത-സംഘ മത്സരങ്ങളിൽ ഒന്നും രണ്ടും സ്ഥാനങ്ങൾ നേടിയ വിദ്യാർത്ഥികൾക്ക് സമ്മാനങ്ങളും സർട്ടിഫിക്കറ്റുകളും വിതരണം ചെയ്യും. പരിപാടിയുടെ സമാപന സമ്മേളനത്തിൽ വിജയികൾക്കുള്ള ട്രോഫികളും പുരസ്കാരങ്ങളും വിതരണം ചെയ്യും. പാമ്പാടി ഡിസ്ട്രിക്ടിലെ എല്ലാ സണ്ടേ സ്കൂൾ അധ്യാപകരും ഈ അദ്ധ്യാപക സെമിനാറിലും വാർഷിക സമ്മേളനത്തിലും നിർബന്ധമായും പങ്കെടുക്കണമെന്ന് ഡിസ്ട്രിക്ട് ഇൻസ്പെക്ടർ ശ്രീ. മാത്യു വർഗീസ് തിടുത്തിൽപ്പറമ്പിൽ, ഡിസ്ട്രിക്ട് സെക്രട്ടറി ശ്രീ. രാജൻ ജോർജ് മുണ്ടക്കുറ്റം, റവ. ഫാ. ജേക്കബ് ചെറിയാൻ മണ്ണൂർ, റവ. ഫാ. മാത്യൂസ് കാവുങ്കൽ കോർ എപ്പിസ്കോപ്പ, ശ്രീ. ജോമോൻ കെ. ജെ., ശ്രീമതി സുനി ജോബി, ശ്രീ. ആൽവിൻ മാത്യു കണ്ണുകുഴിയിൽ എന്നിവർ അഭ്യർഥിച്ചു.

Comments (0)

Related Stories