വിലവൂർക്കോണം സെന്റ് മേരീസ് യാക്കോബായ പള്ളിയുടെ പുതിയ ദൈവാലയത്തിന് പ്രധാന കട്ടള സ്ഥാപിച്ചു

വിലവൂർക്കോണം (കൊല്ലം) ● മലങ്കര യാക്കോബായ സുറിയാനി ഓർത്തഡോക്സ് സഭയുടെ കൊല്ലം ഭദ്രാസനത്തിലെ വിലവൂർക്കോണം സെന്റ് മേരീസ് യാക്കോബായ സുറിയാനി പള്ളിയുടെ പുതുതായി നിർമ്മാണം പുരോഗമിക്കുന്ന ദൈവാലയത്തിന്റെ പ്രധാന കട്ടള (ആനവാതിൽ) സ്ഥാപിച്ചു. കൊല്ലം ഭദ്രാസനാധിപൻ അഭിവന്ദ്യ മോർ തേവോദോസിയോസ് മാത്യൂസ് മെത്രാപ്പോലീത്ത തിരുമനസ്സുകൊണ്ടാണ് പ്രധാന കട്ടള സ്ഥാപിച്ച് ശുശ്രൂഷകൾക്ക് നേതൃത്വം നൽകിയത്. ദൈവാലയ നിർമ്മാണത്തിലെ സുപ്രധാന നാഴികക്കല്ലായി ചടങ്ങ് മാറി. ശുശ്രൂഷയിൽ ഇടവക വികാരി റവ. ഫാ. പോൾ മാത്യു നല്ലില, വെരി. റവ. ഫാ. ഗീവർഗീസ് കോണത്ത് കോർ എപ്പിസ്കോപ്പ, ട്രസ്റ്റ് ചെയർമാൻ ശ്രീ കെ.ജി. തോമസ്, ട്രസ്റ്റി ശ്രീ ഷാജൻ ജോർജ്, സെക്രട്ടറി ശ്രീ കെ.സി. ചാക്കോ, കമ്മിറ്റി അംഗങ്ങൾ, റവ. ഫാ. പുന്നൂസ് തരകൻ, റവ. ഫാ. പോപ്സൺ വർഗീസ്, റവ. ഫാ. പ്രിൻസ് പൊന്നച്ചൻ, റവ. ഫാ. സഞ്ജയ് ബാബു, റവ. ഫാ. പ്രജീഷ് പപ്പൻ എന്നിവരും പങ്കെടുത്തു. പുതിയ ദൈവാലയത്തിന്റെ നിർമ്മാണ പ്രവർത്തനങ്ങൾ ദൈവകൃപയാൽ സുഗമമായി പൂർത്തീകരിക്കപ്പെടുന്നതിനും ഇടവകയുടെ ആത്മീയ വളർച്ചയ്ക്കും വിശ്വാസികൾ നിരന്തരം പ്രാർഥിക്കുകയും സഹകരിക്കുകയും ചെയ്യണമെന്ന് ഇടവക ഭാരവാഹികൾ അഭ്യർഥിച്ചു. നിർമ്മാണ പ്രവർത്തനങ്ങൾ പുരോഗമിക്കുന്ന ദൈവാലയം വിശ്വാസിസമൂഹത്തിന്റെ ആത്മീയ ജീവിതത്തിന് പുതിയ ഉണർവ് പകരുന്ന കേന്ദ്രമായി മാറുമെന്ന പ്രത്യാശയും അവർ പങ്കുവച്ചു.

Comments (0)

Related Stories