ലണ്ടൻ സെന്റ് തോമസ് പള്ളിയുടെ പ്രധാന പെരുന്നാളിനായി എത്തിയ ശ്രേഷ്ഠ കാതോലിക്കാ ബാവയ്ക്ക് ഊഷ്മള സ്വീകരണം

ലണ്ടൻ ● മലങ്കര യാക്കോബായ സുറിയാനി ഓർത്തഡോക്സ് സഭയുടെ ശ്രേഷ്ഠ കാതോലിക്കയും മലങ്കര മെത്രാപ്പോലീത്തയുമായ ആബൂൻ മോർ ബസേലിയോസ് ജോസഫ് ബാവ യു.കെയിലെ ലണ്ടൻ ഗാറ്റ്വിക് അന്താരാഷ്ട്ര വിമാനത്താവളത്തിൽ എത്തിച്ചേർന്നു. ലണ്ടൻ സെന്റ് തോമസ് യാക്കോബായ സുറിയാനി പള്ളിയുടെ പ്രധാന പെരുന്നാൾ ശുശ്രൂഷകളിൽ മുഖ്യകാർമികത്വം വഹിക്കുന്നതിനായാണ് ബാവയുടെ സന്ദർശനം. ഗാറ്റ്വിക് വിമാനത്താവളത്തിൽ യു.കെ. ഭദ്രാസന കൗൺസിലിന്റെ നേതൃത്വത്തിലും ലണ്ടൻ സെന്റ് തോമസ് യാക്കോബായ സുറിയാനി പള്ളിയുടെ വൈദികരുടെയും ഇടവകാംഗങ്ങളുടെയും സാന്നിധ്യത്തിലും ശ്രേഷ്ഠ കാതോലിക്കയ്ക്ക് ഊഷ്മളമായ സ്വീകരണം നൽകി. സഭയുടെ ആത്മീയ പിതാവിനെ സ്വീകരിക്കാൻ നിരവധി വിശ്വാസികളും വിമാനത്താവളത്തിൽ എത്തിച്ചേർന്നിരുന്നു. സ്വീകരണച്ചടങ്ങിൽ മുൻ യു.കെ. പാത്രിയർക്കൽ വികാരിയും അഭിവന്ദ്യ മെത്രാപ്പോലീത്തയുമായ ഡോ. മോർ അന്തീമോസ് മാത്യൂസ്, മുംബൈ ഭദ്രാസന സെക്രട്ടറി റവ. ഫാ. ബിനോയ് വർഗീസ്, യു.കെ. ഭദ്രാസന സെക്രട്ടറി റവ. ഫാ. അബിൻ മർക്കോസ് കശ്ശീശ, മേഖലയിലെ മുതിർന്ന വൈദികൻ വന്ദ്യ രാജു ചെറുവുള്ളിൽ കോർ എപ്പിസ്കോപ്പ, ലണ്ടൻ സെന്റ് തോമസ് യാക്കോബായ സുറിയാനി പള്ളി വികാരി റവ. ഫാ. ഗീവർഗീസ് തണ്ടായത്ത്, യു.കെ. ഭദ്രാസന ട്രഷറർ ശ്രീ ഷിബി ചേപ്പനത്ത്, സഭാ മാനേജിങ് കമ്മിറ്റി അംഗം ശ്രീ പോൾ ജോൺ, പള്ളി ഭാരവാഹികൾ, വിവിധ ഇടവകകളിൽ നിന്നുള്ള വിശ്വാസികൾ എന്നിവർ പങ്കെടുത്തു. ലണ്ടൻ സെന്റ് തോമസ് യാക്കോബായ സുറിയാനി പള്ളിയുടെ പ്രധാന പെരുന്നാൾ ശുശ്രൂഷകൾക്ക് ശ്രേഷ്ഠ കാതോലിക്കാ ബാവ മുഖ്യകാർമികത്വം വഹിക്കുമെന്ന് സംഘാടകർ അറിയിച്ചു.

Comments (0)

Related Stories