ലണ്ടനിലെ സെന്റ് തോമസ് യാക്കോബായ സുറിയാനി ഓർത്തഡോക്സ് പള്ളിയിൽ വിശുദ്ധ മാർത്തോമാശ്ലീഹായുടെ ഓർമപ്പെരുന്നാളിന് കൊടിയേറി

ലണ്ടൻ: സെന്റ് തോമസ് യാക്കോബായ സുറിയൻ ഓർത്തഡോക്സ് പള്ളി, ലണ്ടന്റെ വിശുദ്ധ മാർത്തോമാശ്ലീഹായുടെ ഓർമപ്പെരുന്നാൾ ആഘോഷങ്ങൾക്ക് തിരിതെളിഞ്ഞു. ജൂൺ 28-ന് വിശുദ്ധ കുർബാനയ്ക്കുശേഷം നടന്ന കൊടിയേറ്റ ശുശ്രൂഷയോടെയാണ് പെരുന്നാൾ ആഘോഷങ്ങൾക്ക് ഔദ്യോഗിക തുടക്കമായത്.ഇടവക വികാരി റവ. ഫാ. ഗീവർഗീസ് തണ്ടയത്ത് മുഖ്യകാർമികത്വം വഹിച്ചു. സഹവികാരിമാരായ റവ. ഫാ. ജോൺസൺ മാത്യു, റവ. ഫാ. ബേസിൽ തെറ്റയിൽ എന്നിവർ സഹകാർമികരായിരുന്നു.പെരുന്നാളിന്റെ പ്രധാന ശുശ്രൂഷകൾ ജൂലൈ 3, 4 തീയതികളിൽ നടക്കും. യാക്കോബായ സുറിയാനി ക്രിസ്ത്യാനി സഭയുടെ കാതോലിക്കയും മെത്രാപ്പോലീത്ത ട്രസ്റ്റിയുമായ പരിശുദ്ധ അബൂൻ മോർ ബസേലിയോസ് ജോസഫ് ബാവാ മുഖ്യകാർമികനായി ശുശ്രൂഷകൾക്ക് നേതൃത്വം നൽകും.ജൂലൈ 4-ന് വൈകിട്ട് നടക്കുന്ന സന്ധ്യാപ്രാർത്ഥന, ആശീർവാദ പ്രദക്ഷിണം, നേർച്ചവിളമ്പ് എന്നിവ പെരുന്നാൾ ആഘോഷങ്ങളുടെ പ്രധാന ആകർഷണങ്ങളാണ്. ജൂലൈ 5-ന് രാവിലെ നടക്കുന്ന വിശുദ്ധ കുർബാനയോടെയും പ്രത്യേക മദ്ധ്യസ്ഥ പ്രാർത്ഥനകളോടെയും പെരുന്നാൾ സമാപിക്കും.ലണ്ടനിലെയും സമീപ പ്രദേശങ്ങളിലെയും വിശ്വാസികളോട് പെരുന്നാൾ ശുശ്രൂഷകളിൽ ഭക്തിപൂർവം പങ്കുചേരണമെന്ന് ഇടവക ഭാരവാഹികൾ അഭ്യർഥിച്ചു.

Comments (0)

Related Stories