കോയമ്പത്തൂർ ● കോയമ്പത്തൂർ സെന്റ് മേരീസ് യാക്കോബായ സുറിയാനി ഓർത്തഡോക്സ് പള്ളിയുടെ വികാരിയായിരുന്ന വന്ദ്യ ഫാ. മാത്യൂസ് പനച്ചിക്കലച്ചന് ഇടവകയുടെ ആഭിമുഖ്യത്തിൽ സ്നേഹാദരപൂർവമായ യാത്രയയപ്പ് നൽകി. ജൂൺ 28-ന് പള്ളി ഓഡിറ്റോറിയത്തിൽ നടന്ന സമ്മേളനത്തിൽ വൈദികരും ഇടവക ഭാരവാഹികളും വിശ്വാസികളും വിവിധ ആത്മീയ സംഘടനകളുടെ പ്രതിനിധികളും പങ്കെടുത്തു.
ഇടവകയുടെ ആത്മീയ വളർച്ചയ്ക്കും സഭാജീവിതത്തിന്റെ പരിപോഷണത്തിനുമായി വന്ദ്യ അച്ചൻ നിർവഹിച്ച സമർപ്പിത ശുശ്രൂഷകൾ സമ്മേളനത്തിൽ അനുസ്മരിച്ചു. സ്നേഹവും കരുതലും നിറഞ്ഞ പൗരോഹിത്യ ശുശ്രൂഷയിലൂടെ ഇടവകയുടെ വിശ്വാസജീവിതത്തിൽ വിലപ്പെട്ട സംഭാവനകൾ നൽകിയ അച്ചന് ചടങ്ങിൽ ആദരവ് അർപ്പിച്ചു.
യാത്രയയപ്പ് സമ്മേളനത്തിൽ വൈസ് പ്രസിഡന്റ് സി. പി. രാജൻ, സെക്രട്ടറി രാജൻ മണി സി., ട്രസ്റ്റി ജീൻ കെ. ജോൺ, മാനേജിങ് കമ്മിറ്റി അംഗങ്ങൾ, മാർത്തമറിയം വനിതാ സമാജം, യൂത്ത് അസോസിയേഷൻ, സൺഡേ സ്കൂൾ എന്നിവരുടെ നേതൃത്വത്തിൽ വന്ദ്യ അച്ചന് ഉപഹാരങ്ങൾ സമർപ്പിക്കുകയും ആശംസകൾ നേർക്കുകയും ചെയ്തു.
More Photos in Gallery Page.....
Comments (0)