ഹോണവാർ മിഷൻ ഭദ്രാസന വൈദീകയോഗം ചേർന്നു; ശുശ്രൂഷാ പ്രവർത്തനങ്ങൾ കൂടുതൽ ശക്തിപ്പെടുത്താൻ തീരുമാനം

മംഗളൂരു ● മലങ്കര യാക്കോബായ സുറിയാനി ഓർത്തഡോക്സ് സഭയുടെ ഹോണവാർ മിഷൻ ഭദ്രാസനത്തിന്റെ വൈദീകയോഗം ഭദ്രാസനാധിപൻ അഭിവന്ദ്യ മോർ അന്തോണിയോസ് യാക്കോബ് മെത്രാപ്പോലീത്തയുടെ അധ്യക്ഷതയിൽ മംഗളൂരുവിൽ ചേർന്നു.ഭദ്രാസനത്തിന്റെ ആത്മീയ പ്രവർത്തനങ്ങൾ കൂടുതൽ സജീവമാക്കുക, ഇടവകകളിലെ ശുശ്രൂഷാ പ്രവർത്തനങ്ങൾ വിലയിരുത്തുക, മിഷൻ പ്രവർത്തനങ്ങൾ വിപുലപ്പെടുത്തുക എന്നീ വിഷയങ്ങൾ യോഗത്തിൽ വിശദമായി ചർച്ച ചെയ്തു. വിശ്വാസികളുടെ ആത്മീയ വളർച്ചയും സഭയുടെ സുവിശേഷ ദൗത്യവും ശക്തിപ്പെടുത്തുന്നതിനാവശ്യമായ വിവിധ നിർദേശങ്ങളും മാർഗനിർദേശങ്ങളും ഭദ്രാസനാധിപൻ വൈദികർക്ക് നൽകി.ഭദ്രാസനത്തിലെ വിവിധ ഇടവകകളെ പ്രതിനിധീകരിച്ച് വൈദികർ യോഗത്തിൽ പങ്കെടുത്തു. ഇടവകകളുടെ നിലവിലെ പ്രവർത്തനങ്ങൾ വിലയിരുത്തുകയും വരുംകാല ശുശ്രൂഷാ പദ്ധതികൾക്കും മിഷൻ പ്രവർത്തനങ്ങൾക്കും രൂപരേഖ തയ്യാറാക്കുകയും ചെയ്തു. സഭയുടെ ആത്മീയ ദൗത്യം കൂടുതൽ ഫലപ്രദമായി മുന്നോട്ട് കൊണ്ടുപോകാൻ എല്ലാവരും ഒരുമിച്ച് പ്രവർത്തിക്കണമെന്ന് ഭദ്രാസനാധിപൻ ആഹ്വാനം ചെയ്തു.

Comments (0)

Related Stories