നിലയ്ക്കൽ എക്യുമെനിക്കൽ ദൈവാലയത്തിൽ വിശുദ്ധ തോമാ ശ്ലീഹായുടെ ദുഃഖ്‌റോനോ; ജൂൺ 29ന് യാക്കോബായ സഭയുടെ വിശുദ്ധ കുർബ്ബാന

പത്തനംതിട്ട ● വിശുദ്ധ തോമാ ശ്ലീഹായുടെ ദുഃഖ്റോനോ പെരുന്നാളിനോടനുബന്ധിച്ച് ചരിത്രപ്രസിദ്ധമായ നിലയ്ക്കൽ എക്യുമെനിക്കൽ ദൈവാലയത്തിൽ യാക്കോബായ സുറിയാനി ഓർത്തഡോക്സ് സഭയുടെ ആഭിമുഖ്യത്തിൽ ജൂൺ 29-ന് തിങ്കളാഴ്ച വിശുദ്ധ കുർബ്ബാനയും പ്രത്യേക ശുശ്രൂഷകളും നടക്കും.വനമേഖലയ്ക്കുള്ളിൽ സ്ഥിതി ചെയ്യുന്ന നിലയ്ക്കൽ എക്യുമെനിക്കൽ ദൈവാലയത്തിൽ രാവിലെ 7 മണിക്ക് പ്രഭാത നമസ്കാരത്തോടെ ചടങ്ങുകൾ ആരംഭിക്കും. തുടർന്ന് വിശുദ്ധ കുർബ്ബാന അർപ്പിക്കും. കൊല്ലം ഭദ്രാസന സെക്രട്ടറി റവ. ഫാ. സാബു സാമുവൽ മുഖ്യ കാർമ്മികത്വം വഹിക്കും.വിശുദ്ധ തോമാ ശ്ലീഹായുടെ ഓർമ്മപ്പെരുന്നാളിനോടനുബന്ധിച്ച് നടക്കുന്ന ശുശ്രൂഷകളിൽ വിശ്വാസികൾക്ക് പങ്കുചേരാൻ അവസരമുണ്ടെന്ന് സംഘാടകർ അറിയിച്ചു. സ്വന്തം വാഹനങ്ങളിൽ എത്തുന്നവർ മുൻകൂട്ടി വിവരം അറിയിക്കണമെന്നും, വാഹനസൗകര്യമില്ലാത്തവർക്ക് പത്തനംതിട്ടയിൽ നിന്ന് പ്രത്യേക യാത്രാസൗകര്യം ഒരുക്കിയിട്ടുണ്ടെന്നും അറിയിച്ചു.പമ്പ–ശബരിമല റോഡിലെ പ്ലാപ്പള്ളി ഫോറസ്റ്റ് സ്റ്റേഷന് സമീപത്തുനിന്ന് വലത്തോട്ട് തിരിഞ്ഞ് ആങ്ങമൂഴി റൂട്ടിലൂടെ നിലയ്ക്കലിലെത്താം. കൂടുതൽ വിവരങ്ങൾക്കും യാത്രാ ക്രമീകരണങ്ങൾക്കുമായി നിലയ്ക്കൽ ട്രസ്റ്റ് മെമ്പറും യാക്കോബായ സുറിയാനി സഭയുടെ പ്രതിനിധിയുമായ ബിനു വാഴമുട്ടം (94472 52882) എന്ന നമ്പരിൽ ബന്ധപ്പെടാവുന്നതാണ്.

Comments (0)

Related Stories