തമിഴ്നാട്ടിലെ ഗ്രാമീണ മിഷൻ പ്രവർത്തനങ്ങൾക്ക് പിന്തുണ അഭ്യർഥിച്ച് എ.ഇ.എം.; സാമൂഹ്യസേവന പദ്ധതികൾ വ്യാപിപ്പിക്കു

കമ്പം (തമിഴ്നാട്) ● പരിശുദ്ധ പാത്രിയർക്കീസ് ബാവായുടെ മേലധ്യക്ഷതയിലും മലങ്കരയുടെ ശ്രേഷ്ഠ കാതോലിക്ക ബാവായുടെ നേതൃത്വത്തിലും മോർ ഫീലക്സിനോസ് സക്കറിയാസ് മെത്രാപ്പോലീത്തയുടെ ആത്മീയ അധികാരത്തിന് കീഴിൽ പ്രവർത്തിക്കുന്ന മോർ അന്തോണിയോസ് ഇവാഞ്ചലിക്കൽ മിഷൻ (AEM) തമിഴ്നാട്ടിലെ ഗ്രാമീണ മേഖലകളിൽ നടപ്പാക്കുന്ന മിഷൻ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനായി വിശ്വാസികളുടെ പിന്തുണ അഭ്യർഥിച്ചു.

തമിഴ്നാട്ടിലെ കമ്പത്തിനടുത്തുള്ള പന്നയപുരം കേന്ദ്രീകരിച്ച് 2023 മുതൽ പ്രവർത്തിച്ചുവരുന്ന മിഷനിൽ ഡീക്കൻ ജിൻസണും കുടുംബവും താമസിച്ച് ശുശ്രൂഷകൾക്ക് നേതൃത്വം നൽകിവരികയാണ്. എക്കോ ടൂറിസം, കൃഷി, വില്ലേജ് മിനിസ്ട്രി എന്നീ മേഖലകളിലൂടെയാണ് മിഷൻ പ്രവർത്തനങ്ങൾ മുന്നേറുന്നത്.

സമീപ പ്രദേശങ്ങളിലെ 16 ഗ്രാമങ്ങളിൽ നിന്നുള്ള സാമ്പത്തികമായി പിന്നാക്കം നിൽക്കുന്ന എഴുപതിലധികം കുടുംബങ്ങൾക്ക് ഭക്ഷ്യധാന്യ കിറ്റുകൾ, പച്ചക്കറി കിറ്റുകൾ, മരുന്നുകൾ, വസ്ത്രങ്ങൾ, വിദ്യാഭ്യാസ സഹായങ്ങൾ എന്നിവ വിതരണം ചെയ്യുന്നതിലൂടെ മിഷൻ സമൂഹത്തിൽ ശ്രദ്ധേയമായ ഇടപെടലുകൾ നടത്തിവരുന്നു. ഭാവിതലമുറയെ കൃഷിയിലേക്ക് ആകർഷിക്കുന്നതിനും പ്രകൃതിസംരക്ഷണം പ്രോത്സാഹിപ്പിക്കുന്നതിനുമായി വിപുലമായ കാർഷിക പദ്ധതികളും ഇവിടെ നടപ്പിലാക്കുന്നുണ്ട്.

മിഷൻ പ്രവർത്തനങ്ങളിൽ വിശ്വാസികൾക്ക് വിവിധ രീതികളിൽ പങ്കാളികളാകാമെന്ന് ഭാരവാഹികൾ അറിയിച്ചു. എല്ലാ ദിവസവും മിഷൻ പ്രവർത്തനങ്ങൾക്കും ശുശ്രൂഷകർക്കുമായി പ്രാർത്ഥിക്കുക, മിഷൻ സെന്ററിൽ താമസിച്ച് പ്രവർത്തനങ്ങളിൽ നേരിട്ട് പങ്കാളികളാകുക, പ്രതിമാസ സാമ്പത്തിക സഹായം നൽകുക, ഭക്ഷണ സഹായ പദ്ധതികളിൽ സഹകരിക്കുക, കാർഷിക പദ്ധതികൾക്ക് പിന്തുണ നൽകുക തുടങ്ങിയ മാർഗങ്ങളിലൂടെ ഏവർക്കും ഈ ദൗത്യത്തിന്റെ ഭാഗമാകാം.

“നിങ്ങളുടെ ചെറിയൊരു സഹായം പോലും ഒരുപാട് കുടുംബങ്ങളുടെ ജീവിതത്തിൽ വലിയ മാറ്റത്തിന് കാരണമായേക്കാം. ദൈവരാജ്യത്തിന്റെ വിസ്തൃതിക്കായി നമുക്കൊരുമിച്ച് കൈകോർക്കാം” എന്ന് മിഷൻ ഭാരവാഹികൾ അഭ്യർഥിച്ചു.

കൂടുതൽ വിവരങ്ങൾക്ക്:

📲 WhatsApp: +91 9960407051
📞 Dr. Saliba Ramban: +91 99694 07051
📞 Dn. Jinson: +91 94421 89150

വിശ്വാസികളുടെ പ്രാർത്ഥനയും സഹകരണവും മിഷൻ പ്രവർത്തനങ്ങളുടെ തുടർച്ചയ്ക്കും വിപുലീകരണത്തിനും വലിയ കരുത്താകുമെന്ന് ഭാരവാഹികൾ അറിയിച്ചു.