കോതമംഗലം ● മലങ്കര യാക്കോബായ സുറിയാനി സൺഡേ സ്കൂൾ അസോസിയേഷൻ (എം.ജെ.എസ്.എസ്.എ) 2025-ലെ മികച്ച ദേശീയ സൺഡേ സ്കൂളായി തിരഞ്ഞെടുക്കപ്പെട്ട കോതമംഗലം മോർ ബസേലിയോസ് സൺഡേ സ്കൂളിന്റെ വിജയാഘോഷ പരിപാടിയായ ‘ഹാലേൽ 2025’ വിപുലമായ രീതിയിൽ സംഘടിപ്പിച്ചു.
കോതമംഗലം എം.എൽ.എ ഷെവ. ഷിബു തെക്കുംപുറം പരിപാടി ഉദ്ഘാടനം ചെയ്തു. കോതമംഗലം മേഖല മെത്രാപ്പോലീത്ത അഭിവന്ദ്യ ഏലിയാസ് മോർ യൂലിയോസ് മെത്രാപ്പോലീത്ത അധ്യക്ഷനായിരുന്നു.
ചടങ്ങിൽ കേരളത്തിലെ ആദ്യ വനിതാ പഞ്ചായത്ത് പ്രസിഡന്റായിരുന്ന ശ്രീമതി അന്നക്കുട്ടി ജേക്കബിനെ ആദരിച്ചു. ഷെവ. പ്രൊഫ. ബേബി എം. വർഗീസ് മുഖ്യപ്രഭാഷണം നടത്തി.
വികാരി റവ. ഫാ. ജോസ് ജോൺ പരണായിൽ, വൈദിക കോ-ഓർഡിനേറ്റർ റവ. ഫാ. മോൻസി എബ്രഹാം, എം.ജെ.എസ്.എസ്.എ ജനറൽ സെക്രട്ടറി എൽദോ ഐസക്ക്, സെക്രട്ടറി പി.വി. ജേക്കബ്, റവ. ഫാ. സിബി ഇടത്തിൽ, റവ. ഫാ. ഷാനു പൗലോസ് കല്ലുങ്കൽ, റവ. ഫാ. എബിൾ പൊക്കത്തായിൽ, മുൻ ജനറൽ സെക്രട്ടറിമാരായ പി.വി. പൗലോസ്, എൻ.എ. ജോസ്, മേഖല ഡയറക്ടർ ജോൺ ജോസഫ്, മേഖല സെക്രട്ടറി പി.എ. ജോർജ്, സെൻട്രൽ കമ്മിറ്റി അംഗം ജയിസ് ജോൺ, ഡിസ്ട്രിക്ട് ഇൻസ്പെക്ടർ എബി വി. ഞാളിയത്ത്, സെക്രട്ടറി പി.എസ്. ബിജോയ്, സൺഡേ സ്കൂൾ ഭാരവാഹികളായ എം.ഒ. കോര, ഡോ. ഷാജു വർഗീസ്, ജോഷി മാത്യു, ഐറിൻ എൽദോസ് എന്നിവർ പ്രസംഗിച്ചു.
സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള ഡിസ്ട്രിക്ട് ഭാരവാഹികൾ, ഹെഡ്മാസ്റ്റർമാർ, അധ്യാപകർ, മുൻ വിദ്യാർഥികൾ, വിശ്വാസികൾ തുടങ്ങിയവർ പരിപാടിയിൽ പങ്കെടുത്തു.
കുട്ടികൾ അവതരിപ്പിച്ച ആത്മീയ കലാപരിപാടികളും, ടീം മൗണ്ട് സീനായ് അവതരിപ്പിച്ച ‘പരിശുദ്ധ യൽദോ ബാവ’ ദൃശ്യാവിഷ്കാരവും ആഘോഷങ്ങൾക്ക് പ്രത്യേക ഭംഗി പകർന്നു. തുടർന്ന് നടന്ന സ്നേഹവിരുന്നോടെ പരിപാടികൾ സമാപിച്ചു.
Comments (0)