വിശുദ്ധ മദ്ബഹ ശുശ്രൂഷകർക്കായി ഓൺലൈൻ ഡിപ്ലോമ, പോസ്റ്റ് ഡിപ്ലോമ കോഴ്സുകൾ ആരംഭിക്കുന്നു

തിരുവൻഞ്ചൂർ ● വിശുദ്ധ മദ്ബഹാ ശുശ്രൂഷകരുടെ ആത്മീയവും ശുശ്രൂഷാപരവുമായ വളർച്ച ലക്ഷ്യമാക്കി കോട്ടയം തിരുവൻഞ്ചൂരിലെ മോർ അന്തോണിയോസ് സിറിയക് ഓർത്തഡോക്സ് മോണാസ്റ്ററി ഓൺലൈൻ ഡിപ്ലോമ, പോസ്റ്റ് ഡിപ്ലോമ കോഴ്സുകൾ ആരംഭിക്കുന്നു. ഒരു വർഷം ദൈർഘ്യമുള്ള പരിശീലന പരിപാടിയുടെ ക്ലാസുകൾ 2026 ജൂലൈ മാസം മുതൽ ആരംഭിക്കും.

പരിചയസമ്പന്നരായ അധ്യാപകരുടെ നേതൃത്വത്തിലും ആത്മീയ മാർഗനിർദേശത്തോടെയും നടത്തുന്ന കോഴ്സുകൾ സുറിയാനി സഭയുടെ ആരാധനക്രമം, മദ്ബഹാ ശുശ്രൂഷകൾ, സഭാ പാരമ്പര്യങ്ങൾ, ആത്മീയ ജീവിതം തുടങ്ങിയ വിഷയങ്ങളിൽ സമഗ്രമായ പരിശീലനം നൽകും.

മദ്ബഹാ ശുശ്രൂഷയിൽ പ്രവേശിക്കാൻ ആഗ്രഹിക്കുന്നവർക്കും നിലവിൽ ശുശ്രൂഷയിൽ ഏർപ്പെട്ടിരിക്കുന്നവർക്കും ഡിപ്ലോമ കോഴ്സുകൾ പ്രയോജനകരമാണ്. സുറിയാനി സഭയുടെ ആരാധനക്രമവും ദൈവശാസ്ത്ര പാരമ്പര്യങ്ങളും കൂടുതൽ ആഴത്തിൽ പഠിക്കാൻ താൽപര്യമുള്ളവർക്ക് പോസ്റ്റ് ഡിപ്ലോമ കോഴ്സുകളിൽ പങ്കെടുക്കാം.

കോഴ്സുകളെക്കുറിച്ചുള്ള കൂടുതൽ വിവരങ്ങൾക്കും രജിസ്ട്രേഷനും താൽപര്യമുള്ളവർ താഴെപ്പറയുന്ന നമ്പറുകളിൽ ബന്ധപ്പെടണമെന്ന് സംഘാടകർ അറിയിച്ചു.

Dn. Soji Paul
📞 +91 70128 08252
☎️ 0481 254 5050