കുവൈറ്റ് ● കുവൈറ്റ് സെന്റ് മേരീസ് യാക്കോബായ സുറിയാനി പള്ളി ഇടവകയുടെ നേതൃത്വത്തിൽ കുട്ടികൾക്കായി സംഘടിപ്പിക്കുന്ന അവധിക്കാല മലയാളം പഠന പദ്ധതിയായ **“മധുരം മലയാളം 2026”**ന് ഗംഭീര തുടക്കമായി. സാൽവ ഗ്രീക്ക് ഓർത്തഡോക്സ് ദേവാലയത്തിൽ നടന്ന ഉദ്ഘാടന ചടങ്ങിൽ ഇടവക വികാരി റവ. ഫാ. അരുൺ ബോസ് പദ്ധതി ഔദ്യോഗികമായി ഉദ്ഘാടനം ചെയ്തു.
പ്രവാസി തലമുറയിലെ കുട്ടികളിൽ മാതൃഭാഷയായ മലയാളത്തോടുള്ള സ്നേഹവും ഭാഷാപരമായ അറിവും വളർത്തുക എന്ന ലക്ഷ്യത്തോടെയാണ് പദ്ധതി നടപ്പാക്കുന്നത്. റിഗ്ഗേയ്, മംഗഫ്, അബ്ബാസിയ, സാൽമിയ, അബുഹലീഫ എന്നീ വിവിധ കേന്ദ്രങ്ങളിലായി ജൂൺ 21 മുതൽ ജൂലൈ 15 വരെ ക്ലാസുകൾ സംഘടിപ്പിച്ചിട്ടുണ്ട്.
മാതൃഭാഷയുടെ മധുരവും മലയാള സംസ്കാരത്തിന്റെ മൂല്യങ്ങളും പുതിയ തലമുറയിലേക്ക് പകർന്നു നൽകുന്ന ശ്രദ്ധേയമായ സംരംഭമായാണ് “മധുരം മലയാളം 2026” വിലയിരുത്തപ്പെടുന്നത്.
Comments (0)