റോഡ് വികസനത്തിന് കൈത്താങ്ങായി ആലാട്ടുചിറ സെന്റ് മേരീസ് യാക്കോബായ സുറിയാനി പള്ളി; മതിൽ സ്വമേധയാ പൊളിച്ചുനീക്കി

ആലാട്ടുചിറ (പെരുമ്പാവൂർ): പൊതുനന്മ മുൻനിർത്തിയുള്ള മാതൃകാപരമായ സാമൂഹിക ഇടപെടലിലൂടെ ആലാട്ടുചിറ സെന്റ് മേരീസ് യാക്കോബായ സുറിയാനി പള്ളി വീണ്ടും ശ്രദ്ധേയമാകുന്നു. ആലാട്ടുചിറയിൽ നിന്ന് ചൂരമുടി, മുണ്ടൻതുരുത്ത്, പുതുമന എന്നിവിടങ്ങളിലേക്കുള്ള റോഡിന്റെ ആരംഭഭാഗത്ത് സ്ഥിതി ചെയ്യുന്ന പള്ളിയുടെ പ്രധാന കവാടത്തിന് സമീപത്തെ അപകടസാധ്യതയുള്ള ഇടുങ്ങിയ വളവിന് പരിഹാരമൊരുക്കുന്നതിനായാണ് പള്ളി അധികൃതർ സ്വമേധയാ മതിൽ പൊളിച്ചുനീക്കിയത്.പള്ളിയുടെ പുനരുദ്ധാരണ പ്രവർത്തനങ്ങളുടെ ഭാഗമായി പുതിയ പ്രവേശന കവാടം നിർമ്മിക്കുന്നതിനിടെയാണ് റോഡിന് കൂടുതൽ വീതി ലഭ്യമാക്കുന്ന തീരുമാനം കൈക്കൊണ്ടത്. പള്ളിയുടെ സ്ഥലത്തുണ്ടായിരുന്ന കരിങ്കല്ലിൽ നിർമ്മിച്ച വർഷങ്ങളുടെ പഴക്കമുള്ള മതിൽ പൊളിച്ചുമാറ്റിയതോടെ എതിർദിശയിൽ എത്തുന്ന വാഹനങ്ങൾക്ക് കൂടുതൽ സുരക്ഷിതമായ രീതിയിൽ കടന്നുപോകാൻ സൗകര്യം ലഭിക്കും.പൊതുസമൂഹത്തിന്റെ സുരക്ഷയ്ക്കും യാത്രാസൗകര്യത്തിനും മുൻഗണന നൽകി സ്വീകരിച്ച ഈ തീരുമാനം പ്രദേശവാസികളിൽ നിന്ന് വ്യാപക അഭിനന്ദനമാണ് നേടുന്നത്. സമൂഹത്തോടുള്ള ഉത്തരവാദിത്വവും സേവന മനോഭാവവും ഉയർത്തിപ്പിടിക്കുന്ന ഈ നടപടി മറ്റ് സ്ഥാപനങ്ങൾക്കും മാതൃകയാണെന്നാണ് നാട്ടുകാരുടെ അഭിപ്രായം.

Comments (0)

Related Stories