മന്ത്രി അനൂപ് ജേക്കബ് വെട്ടിക്കൽ സെമിനാരി സന്ദർശിച്ചു

വെട്ടിക്കൽ ● കേരളത്തിന്റെ ഭക്ഷ്യ, സിവിൽ സപ്ലൈസ്, ഉപഭോക്തൃകാര്യ വകുപ്പ് മന്ത്രി അഡ്വ. അനൂപ് ജേക്കബ് വെട്ടിക്കൽ മലങ്കര സിറിയൻ ഓർത്തഡോക്സ് തിയോളജിക്കൽ സെമിനാരി സന്ദർശിച്ചു.

യാക്കോബായ സുറിയാനി ഓർത്തഡോക്സ് സഭയുടെ വൈദിക സെമിനാരി മെത്രാപ്പോലീത്തയും മീഡിയ സെൽ ചെയർമാനും തിരുവനന്തപുരം മേഖലാധിപനുമായ അഭിവന്ദ്യ ഡോ. കുര്യാക്കോസ് മോർ തിയോഫിലോസ് മെത്രാപ്പോലീത്തയെ മന്ത്രി സന്ദർശിച്ച് കൂടിക്കാഴ്ച നടത്തി.

സന്ദർശന വേളയിൽ അഭിവന്ദ്യ മെത്രാപ്പോലീത്ത ബഹുമാനപ്പെട്ട മന്ത്രിയെ പൊന്നാട അണിയിക്കുകയും പൂച്ചെണ്ട് നൽകി ആദരിക്കുകയും ചെയ്തു. സഭയുടെയും സമൂഹത്തിന്റെയും പൊതുവിഷയങ്ങൾ ഉൾപ്പെടെ വിവിധ കാര്യങ്ങൾ കൂടിക്കാഴ്ചയിൽ ചർച്ചയായി.