എംഎസ്ഡബ്ല്യു ബിരുദം കരസ്ഥമാക്കി ഫാ. ബിബിൻ ജോർജ് തോമസ്

ചങ്ങനാശേരി ∙ മഹാത്മാഗാന്ധി സർവകലാശാലയ്ക്കു കീഴിലുള്ള ചങ്ങനാശേരി സെന്റ് ബെർക്കുമാൻസ് (എസ്ബി) സ്വയംഭരണ കോളജിൽനിന്ന് ഫാ. ബിബിൻ ജോർജ് തോമസ് മാസ്റ്റർ ഓഫ് സോഷ്യൽ വർക് (എംഎസ്ഡബ്ല്യു) ബിരുദം കരസ്ഥമാക്കി. മലങ്കര യാക്കോബായ സുറിയാനി സഭ നിരണം ഭദ്രാസനത്തിലെ കാവുംഭാഗം സെന്റ് ജോർജ് കത്തീഡ്രൽ ഇടവകാംഗമാണ്. മുളന്തുരുത്തി എംഎസ്ഒടി സെമിനാരിയിൽനിന്നു ദൈവശാസ്ത്രപഠനം പൂർത്തിയാക്കിയ അദ്ദേഹം, ചേപ്പാട് സെന്റ് ജോർജ്, ആഞ്ഞിലിത്താനം സെന്റ് മേരീസ് എന്നീ പള്ളികളിൽ ശുശ്രൂഷ അനുഷ്ഠിച്ചുവരികയായിരുന്നു. നിരണം ഭദ്രാസന സൺഡേ സ്കൂൾ ഡയറക്ടറായും ശ്രദ്ധേയമായ സേവനം കാഴ്ചവച്ചിട്ടുണ്ട്. അഭിവന്ദ്യ ഡോ. ഗീവർഗീസ് മോർ കൂറിലോസ് മെത്രാപ്പോലീത്തയുടെ കൽപനപ്രകാരം കുവൈത്ത് സെന്റ് ജോർജ് യൂണിവേഴ്സൽ സിറിയൻ ഓർത്തഡോക്സ് റീശ് ഇടവകയുടെ ശുശ്രൂഷയ്ക്കായി അദ്ദേഹം നിയമിതനായി. കാവുംഭാഗം കരൂർ വീട്ടിൽ പരേതനായ കെ.ടി.തോമസിന്റെയും ചിന്നമ്മയുടെയും മകനാണ്. ഭാര്യ: സിനിമോൾ ജോർജ്.

Comments (0)

Related Stories