പുത്തൻകുരിശ് ∙ വ്യക്തിവികസനത്തിനും പോസിറ്റീവ് ചിന്തകൾക്കും വഴികാട്ടുന്ന പുതിയ പുസ്തകം 'മൈൻഡ് സെറ്റ്' പ്രകാശനം ചെയ്തു. എംജെഎസ്എസ്എ (MJSSA) കോതമംഗലം മേഖലാ ഡയറക്ടർ ജോൺ ജോസഫ് രചിച്ച പുസ്തകം ക്രിയാ പബ്ലിക്കേഷൻസാണ് പ്രസിദ്ധീകരിച്ചത്.
പുത്തൻകുരിശ് എംജെഎസ്എസ്എ ആസ്ഥാനത്തു നടന്ന ചടങ്ങിൽ യാക്കോബായ സുറിയാനി സഭാ ശ്രേഷ്ഠ കാതോലിക്ക ആബൂൻ മോർ ബസേലിയോസ് ജോസഫ് ബാവാ, എംജെഎസ്എസ്എ പ്രസിഡന്റ് മോർ യൂലിയോസ് ഏലിയാസ് മെത്രാപ്പോലീത്തയ്ക്കു നൽകി പ്രകാശനകർമം നിർവഹിച്ചു. മുൻ പ്രസിഡന്റ് ഡോ. മോർ അന്തീമോസ് മാത്യൂസ് മെത്രാപ്പോലീത്ത ചടങ്ങിൽ അനുഗ്രഹീത സാന്നിധ്യമായി.
എംജെഎസ്എസ്എ വൈസ് പ്രസിഡന്റ് റവ. ഫാ. ജെയിംസ് കുര്യൻ, ജനറൽ സെക്രട്ടറി പി.വി. ഏലിയാസ്, ട്രഷറർ യൽദോ ഐസക്, സെക്രട്ടറിമാരായ പി.വി. പൗലോസ്, ടി.വി. സജീഷ്, എൻ.എ. ജോസ്, മുൻ ജനറൽ സെക്രട്ടറി ഷെവലിയാർ എം.ജെ. മർക്കോസ് എന്നിവർ പ്രസംഗിച്ചു. വിവിധ കേന്ദ്ര, ഭദ്രാസന, ഡിസ്ട്രിക്ട് ഭാരവാഹികൾ, സൺഡേ സ്കൂൾ പ്രധാനാധ്യാപകർ, അധ്യാപകർ, വിദ്യാർഥികൾ, രക്ഷിതാക്കൾ തുടങ്ങി അഞ്ഞൂറിലേറെപ്പേർ പങ്കെടുത്തു.
ജീവിതത്തിൽ പലപ്പോഴും നാം അവഗണിക്കുന്ന ചിന്തകളും മനോഭാവങ്ങളും ഒരു വ്യക്തിയുടെ വളർച്ചയെ എങ്ങനെ സ്വാധീനിക്കുന്നുവെന്ന് വിശകലനം ചെയ്യുന്നതാണ് 'മൈൻഡ് സെറ്റ്'. നിരന്തരമുള്ള ആത്മപരിശോധനയിലൂടെയും പോസിറ്റീവായ മാറ്റങ്ങളിലൂടെയും ജീവിതത്തിൽ മുന്നേറാൻ വായനക്കാരെ പ്രചോദിപ്പിക്കാൻ ലക്ഷ്യമിട്ടുള്ളതാണ് ഈ കൃതി.
Comments (0)