മഞ്ഞിനിക്കര: പരിശുദ്ധ അന്ത്യോഖ്യാ സിംഹാസനത്തിൻ കീഴിലുള്ള മലങ്കരയിലെ പ്രധാന തീർത്ഥാടന കേന്ദ്രങ്ങളിലൊന്നായ മഞ്ഞിനിക്കര മോർ ഇഗ്നാത്തിയോസ് ദയറാ കമ്മിറ്റി സെക്രട്ടറിയായി ഷെവലിയാർ കെ. ടി. വർഗീസ് കല്ലൂരിനെ പരിശുദ്ധ സുറിയാനി ഓർത്തഡോക്സ് സഭയുടെ പരമാധ്യക്ഷൻ മോറാൻ മോർ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ നിയമിച്ചു.
മഞ്ഞിനിക്കര ദയറാ കമ്മിറ്റി സീനിയർ അംഗമായ കെ. ടി. വർഗീസ് ദീർഘകാലമായി സഭാ-സാമൂഹിക രംഗങ്ങളിൽ സജീവ സാന്നിധ്യമാണ്. നിരവധി വർഷങ്ങളായി കുവൈറ്റിൽ ഉദ്യോഗസ്ഥനായി സേവനമനുഷ്ഠിച്ച അദ്ദേഹം, കുവൈറ്റ് സെന്റ് ജോർജ് സിറിയൻ ഓർത്തഡോക്സ് റീശ് പള്ളിയുടെ ഭരണസമിതിയിൽ വിവിധ നിലകളിൽ പ്രവർത്തിച്ച് ശ്രദ്ധേയമായ സേവനം കാഴ്ചവച്ചിട്ടുണ്ട്.
തിരുവല്ല കിഴക്കേ കല്ലൂർ കുടുംബാംഗമായ അദ്ദേഹം സഭാ പ്രവർത്തനങ്ങളോടും ആത്മീയ ശുശ്രൂഷകളോടും ചേർന്ന് പ്രവർത്തിക്കുന്ന വ്യക്തിയാണ്. മഞ്ഞിനിക്കര ദയറയുടെ തീർത്ഥാടന-ആത്മീയ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിൽ അദ്ദേഹത്തിന്റെ അനുഭവസമ്പത്ത് പ്രയോജനപ്പെടുമെന്ന പ്രതീക്ഷയിലാണ് വിശ്വാസി സമൂഹം.
ഭാര്യ മോളിക്കുട്ടി വർഗീസ്. മക്കൾ: നിമി വർഗീസ്, ജിമി വർഗീസ്. മരുമക്കൾ: ഷാജി എൻ. കുരുവിള (അമ്പ്രയിൽ), സിബി തേവരോട്ട്.
Comments (0)