കോതമംഗലം: അങ്കമാലി ഭദ്രാസനത്തിന്റെ കീഴിലുള്ള കോതമംഗലം മേഖലയുടെ വൈദീക വാർഷിക പൊതുയോഗം 2026 മെയ് 20-ന് കോതമംഗലം മൗണ്ട് സീനായ് കാതോലിക്കേറ്റ് അരമനയിൽ നടന്നു. മേഖലാ മെത്രാപ്പോലീത്ത അഭിവന്ദ്യ മോർ യൂലിയോസ് ഏലിയാസ് മെത്രാപ്പോലീത്തയുടെ അധ്യക്ഷതയിൽ ചേർന്ന യോഗത്തിൽ മേഖലയുടെ ആത്മീയ, സംഘടനാ, സാമൂഹിക പ്രവർത്തനങ്ങൾ വിലയിരുത്തുകയും ഭാവി പ്രവർത്തനങ്ങൾക്ക് രൂപരേഖ തയ്യാറാക്കുകയും ചെയ്തു.
എം.ജെ.എസ്.എസ്.എയുടെ പ്രസിഡന്റായി തിരഞ്ഞെടുക്കപ്പെട്ട അഭിവന്ദ്യ മോർ യൂലിയോസ് ഏലിയാസ് മെത്രാപ്പോലീത്തയ്ക്ക് യോഗം പ്രത്യേക ആശംസകൾ നേർന്നു. മേഖലയുടെ വിവിധ ഭക്തസംഘടനകളുടെ വാർഷിക പ്രവർത്തന റിപ്പോർട്ടുകൾ ബന്ധപ്പെട്ട വൈദികർ അവതരിപ്പിച്ചു. കഴിഞ്ഞ വർഷത്തെ പ്രവർത്തനങ്ങൾ അവലോകനം ചെയ്ത യോഗം സംഘടനകളുടെ പ്രവർത്തനം കൂടുതൽ കാര്യക്ഷമമാക്കുന്നതിനുള്ള നിർദേശങ്ങളും ചർച്ച ചെയ്തു.
അടുത്ത മൂന്ന് വർഷത്തേക്കുള്ള ഭക്തസംഘടനകളുടെ പ്രവർത്തനങ്ങൾക്ക് നേതൃത്വം നൽകുന്നതിനായി വിവിധ ചുമതലകളിലേക്ക് വൈദികരെ പുനർനിശ്ചയിക്കുകയും നിയമിക്കുകയും ചെയ്തു. പാണ്ടാലിൽ ബേബി ജോൺ കശീശയെ വൈദീക സെക്രട്ടറിയായും, നിരവതുകണ്ടത്തിൽ മോൻസി കശീശയെ സൺഡേ സ്കൂൾ വൈസ് പ്രസിഡന്റായും, കല്ലുങ്കൽ ബെൻ കശീശയെ വനിതാ സമാജം വൈസ് പ്രസിഡന്റായും, പുന്നയ്ക്കൽ ജിതിൻ കശീശയെ യൂത്ത് അസോസിയേഷൻ വൈസ് പ്രസിഡന്റായും തെരഞ്ഞെടുത്തു.
കൊച്ചുകുന്നേൽ റിജോ കശീശ ശുശ്രൂഷ സംഘം വൈസ് പ്രസിഡന്റായും, പരത്തുവയലിൽ ജോസ് കശീശ എൽഡേഴ്സ് ഫോറം വൈസ് പ്രസിഡന്റായും ചുമതലയേൽക്കും. പുതുമനക്കുടി വർഗീസ് കശീശയെ പാലിയേറ്റീവ് ക്ലബ് കോർഡിനേറ്ററായും, ഇട്ടിയാനിക്കൽ ബേസിൽ കശീശയെ വനം-വന്യജീവി പ്രശ്നങ്ങളുടെ കോർഡിനേറ്ററായും, പൊക്കത്തായിൽ ഏബിൾ കശീശയെ കൃസാലിസിസ് പ്രോഗ്രാം കോർഡിനേറ്ററായും നിയമിച്ചു.
കുമ്മംകോട്ടിൽ എൽദോസ് കശീശ സോഷ്യൽ സർവീസ് കോർഡിനേറ്ററായും, പരണായിൽ ജോസ് കശീശ ഫാമിലി ഫെലോഷിപ് കോർഡിനേറ്ററായും, കിളിയാംകുന്നത്ത് സജി കശീശ ശുശ്രൂഷ ഏകോപന കോർഡിനേറ്ററായും പ്രവർത്തിക്കും. വിദ്യാർത്ഥി പ്രസ്ഥാനം കോർഡിനേറ്റർമാരായി കൗങ്ങംപിള്ളിൽ ജെബിൻ കശീശയെയും ഐക്കരക്കുടി ഡെന്നീസ് കശീശയെയും തെരഞ്ഞെടുത്തു. മീഡിയ ആൻഡ് ഹെയ്ൽ മേരി യൂത്ത് കോർഡിനേറ്ററായി കാഞ്ഞിരത്തുങ്കൽ സിച്ചു രാജു കശീശയെ നിയമിച്ചു.
മേഖലയിലെ വിവിധ ഭക്തസംഘടനകളുടെ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനും സഭയുടെ ആത്മീയ-സാമൂഹിക പ്രവർത്തനങ്ങളിൽ വിശ്വാസികളുടെ പങ്കാളിത്തം വർധിപ്പിക്കുന്നതിനുമായി ഏകോപിതമായ പ്രവർത്തനങ്ങൾക്ക് യോഗം ആഹ്വാനം ചെയ്തു. മേഖലയുടെ ഭാവി പ്രവർത്തനങ്ങൾക്ക് മാർഗനിർദേശങ്ങൾ നൽകിയും പുതിയ ഭാരവാഹികൾക്ക് ആശംസകൾ നേർന്നുമാണ് വാർഷിക പൊതുയോഗം സമാപിച്ചത്.
Comments (0)