പന്നൂർ: 2026-ലെ കേരള നിയമസഭാ തിരഞ്ഞെടുപ്പിൽ ഇടുക്കി മണ്ഡലത്തിൽ നിന്ന് കേരള നിയമസഭയിലേക്ക് എംഎൽഎയായി തിരഞ്ഞെടുക്കപ്പെട്ട ശ്രീ. റോയ് കെ. പൗലോസിനെ മാതൃ ഇടവകയായ പന്നൂർ സെന്റ് ജോൺസ് യാക്കോബായ സുറിയാനി പള്ളിയുടെ നേതൃത്വത്തിൽ ആദരിച്ചു.
മെയ് 31-ന് ഞായറാഴ്ച വിശുദ്ധ കുർബാനയ്ക്കുശേഷം പള്ളി അങ്കണത്തിൽ നടന്ന ചടങ്ങിലാണ് ഇടവകാംഗങ്ങളും വിശ്വാസി സമൂഹവും ചേർന്ന് റോയ് കെ. പൗലോസിന് സ്വീകരണം നൽകിയത്. ദീർഘകാലത്തെ പൊതുപ്രവർത്തനത്തിന്റെയും ജനസേവനത്തിന്റെയും അംഗീകാരമായാണ് അദ്ദേഹത്തിന്റെ നിയമസഭാ വിജയത്തെ ഇടവക വിലയിരുത്തിയത്.
ഇടവക വികാരിയും ട്രസ്റ്റിമാരും സെക്രട്ടറിയും ചേർന്ന് പൊന്നാട അണിയിച്ചും ഉപഹാരം നൽകിയും അദ്ദേഹത്തെ അനുമോദിച്ചു. ചടങ്ങിൽ സംസാരിച്ചവർ, ഇടുക്കി മണ്ഡലത്തിന്റെ വികസനത്തിനും ജനക്ഷേമ പ്രവർത്തനങ്ങൾക്കും പുതിയ എംഎൽഎയുടെ നേതൃത്വത്തിൽ കൂടുതൽ പുരോഗതി കൈവരിക്കുമെന്ന് പ്രത്യാശ പ്രകടിപ്പിച്ചു.
ആദരവിന് നന്ദി പറഞ്ഞ റോയ് കെ. പൗലോസ്, തന്റെ വിജയത്തിൽ പ്രാർത്ഥനയിലൂടെയും പിന്തുണയിലൂടെയും ഒപ്പമുണ്ടായിരുന്ന മാതൃ ഇടവകയ്ക്കും വിശ്വാസി സമൂഹത്തിനും നന്ദി അറിയിച്ചു. ജനങ്ങളുടെ പ്രതീക്ഷകൾക്കൊത്ത് ഉയരാൻ ആത്മാർത്ഥമായി പ്രവർത്തിക്കുമെന്നും അദ്ദേഹം പറഞ്ഞു.
ഇടവക ഭാരവാഹികൾ, ആത്മീയ സംഘടനാ പ്രതിനിധികൾ, രാഷ്ട്രീയ-സാമൂഹിക രംഗങ്ങളിലെ പ്രമുഖർ, വിശ്വാസികൾ എന്നിവർ ചടങ്ങിൽ പങ്കെടുത്തു.
Comments (0)